Tuenti
Esta páxina o seición ta desactualizada. La información que tien ye vieya o insuficiente. |
Tuenti foi una rede social virtual dirixida a la población xoven española. Permete al usuariu facer el so propiu perfil, xubir semeyes y videos y falar colos collacios y amigos. Tien otres munches posibilidaes como facer eventos y etiquetar amigos en semeyes. Carauterízase tamién pol so potente restolador.
| Tuenti | |
|---|---|
negociu y operador móvil virtual (es)  | |
 | |
| Llocalización | |
| Sede | Madrid |
| Direición | España |
| Historia | |
| Fundación | 22 febreru 2006 |
| Fundador |
Zaryn Dentzel Félix Ruiz Hernández Joaquín Ayuso de Pául |
| Sector | |
| Industria |
serviciu de rede social sector de telecomunicaciones (es) industria de la telefonía móvil (es) proveedor de servicios de Internet (es) |
| Productos destacaos | Telefonía móvil |
| Participación empresarial | |
| Organización matriz | Telefónica |
| Web oficial | |
 | |
Inauguráu en xineru de 2006, Tuenti ye unu de los sitios web más visitaos n'España, según Alexa Internet.
Historia
editarTuenti ye una rede social española fecha en xineru de 2006 por Zaryn Dentzel, un estudiante norteamericanu que güei vive en Madrid (España). Dentzel conoció España al traviés d'un intercambiu que lu llevó a Cabeza del Buey (Badajoz), y a raíz d'ésta esperiencia foi como años más tarde ñacería Tuenti. Al entamu diba dirixíu pa universitarios y sólo dalgunos conocíos pudieron probalu. Más tarde, en vista del so éxitu, permetieron la entrada a más usuarios, pero sólo si tiníen invitación. Güei calcúlase 3 millones d'usuarios n'España, la inmensa mayoría d'ellos universitarios y escolinos (colexales).
Equipu
editarP'atopar programadores ficieron una seleición per internet, incluyíu'l propiu Tuenti. D'ehí fízose un casting y s'elixó al equipu que güei forma l'equipu, que ta formáu por xente de tol mundiu (norteamericanos, polacos, ingleses y españoles).
Nome
editarSegún Zaryn Denzel, el nome "Tuenti" surxó de la necesidá d'atopar unu qu'incluyera "tu" y "ti". Pa da-y nome, los miembros baraxaron munchos nomes y al final se decidieron por Tuenti porque se paez a “tu entidá” y porque sonaba bien.
Funcionamientu
editarTuenti ye una rede social d'accesu restrinxíu a la que s'entra namás médiante la invitación d'un miembru anteriormente rexistráu. Esti mecanismu, según la empresa, garantiza en principiu que tou usuariu recién llegáu ya tenga un víncalu con otru miembru de la rede a partir de cuál puea entamar a establecer rellaciones col restu de los usuarios.
El mio perfil
editarCada usuariu dispón dientro de la rede d'una páxina anomada "Mi perfil" dividida en varios apartaos cuya visibilidá dientro de la rede pol restu de los usuarios pue ser regulada alcuerde a que sólo fuera visible polos amigos o collacios del usuariu, polos amigos o collacios de sos amigos o collacios, o por tolos usuarios. Nesta páxina alcuéntrase normalmente na columna esquierda una semeya del usuariu con información personal tal como'l sexu, la edá, l'estáu nesi momentu (a elixir entre "solteru", "con daquién", "con rollu"), la fecha de ñacimientu, la ciudá de residencia, lo que l'usuariu gueta dientro de la rede ("amistá", "mozu/moza", "mozu/moza pa rollu") y la fecha d'ingresu. Inclúyise amás nesta mesma columna información sobre los intereses del usuariu como les sos aficiones, les sos películes y llibros preferíos y los sos grupos de música favoritos, y sos "zones de folixa".
La columna central de "Mi Perfil" ta dividida en tres bloques: diariu, semeyes, y "El mio tablón". La seición de blog da-y al usuariu un sitiu onde escribir testos ya incluyir videos a modu de blog, ordenando les entraes per orde cronolóxicu inversu. "Semeyes" amuesa les ocho semeyes más nuevos nes qu'apaez l'usuariu. Finalmente, "Mi tablón" ye un espaciu onde les otres usuarios de la rede puen dexar mensaxes personales.
Finalmente, la columna drecha amuesa una riestra pequeña de los amigos o collacios del usuariu ordenada según la fecha d'actualización de sos perfiles.
Guetador
editarTuenti dispón d'un guetador p'atopar a tolos miembros de la rede pol so nome real. Pa reducir los resultaos de la gueta dispón de varios filtros como'l sexu, la edá, el centru d'estudios o trabayu y la zona de folixa.
Estadístiques
editarSírvense alredor de 2.000 millones de páxines al mes, anque la rede ta en plenu crecimientu. Cada selmana rexístrense alredor de 8.000 usuarios nuevos y calcúlase que cada usuariu la dedica al sitiu dos hores d'usu per sesión,demientres qu'en otres redes sociales como Facebook y MySpace nun se llega a los 45 minutos.
