Un Tío Blanco Hetero
Esti artículu o seición necesita un ameyoramientu no que cinca a la redaición, la gramática o la ortografía. |
Sergio Candanedo (1988, Madrid), conocíu popularmente como "Un Tío Blanco Hetero", ye un youtuber español. Activu dende 2018, la so temática ye la crítica de conceutos socioculturales como'l feminismu, la perspectiva de xéneru y la corrección política, nos qu'atropa discutiniu dende sectores rellacionaos.[3][4][5]
Un Tío Blanco Hetero | |
|---|---|
.png) | |
| Vida | |
| Nacimientu | Madrid[1], 1988[2] (35/36 años) |
| Nacionalidá |
 España |
| Llingua materna | castellanu |
| Estudios | |
| Llingües falaes |
castellanu inglés |
| Oficiu | youtuber, productor de televisión |
| Emplegadores | Vozpópuli (setiembre 2020 – valor desconocíu) |
| Influyencies | Jordan Peterson |
| Seudónimos | UTBH y Un Tío Blanco Hetero |
 | |
Biografía
editarCandanedo empezó la so carrera en YouTube a principios de 2018. Antes d'eso, según él, creciera en Moratalaz y trabayáu como diseñador gráficu antes de camudase a Canadá, onde estudió dos años antes de tornar a España.[4][5][6] Foi nel país americanu onde llogró l'interés n'abrir la so canal de mano de críticos sociales como H3h3Productions, Jordan Peterson y Some Black Guy, de quien tomó'l nomatu.[4] Amás, en 2016 escribió y codirixió el curtiumetraxe En tu puta cara, participante del concursu online Notodofilmfest.[7]
El so primer videu, nel cual encetaba les consecuencies del movimientu Me Too, foi xubíu a la plataforma'l 2 de febreru de 2018. Esto marcó l'entamu de la so particular presentación, monologando enérxicamente tres un traxe blancu de licra con mázcara (moteyáu "condón humanu" ya inspiráu nel paxellu de Batman),[5] una sudadera negra con capiellu y gafes de sol de plásticu.[4][6] Según esplicaría más palantre, escoyó esti aspeutu non solo para despintar la so identidá y resaltar, sinón tamién para desaposiase de la so individualidá y representar irónicamente al colectivu titular según les polítiques de xéneru de les que fala.[5][6] El mentáu videu percanciaría un enorme númberu de visites y suscripciones, que diríen n'aumentu nes sos siguientes producciones, llegando a algamar los 140 000 en siete meses y dexa-y abrir un Patreon.[5]
La temática de la so canal quedó denotada como señalar, documentándose por mediu de datos y referencies,[4][6] les contradicciones ya inexactitudes del feminismu modernu, según verbalizar "aquello que munchos piensen, pero nun s'atreven a dicir".[4] UTBH achacó a esto la popularidá del so videu, lo que nun-y torgar atraer discutiniu dende los sectores implicaos, hasta'l puntu de recibir amenaces de muerte.[4][5] Foi llomáu públicamente de machista en delles ocasiones,[8][9] acusación que siempres desmintió.[4] Tamién se-y atribuyeron diverses afiliaciones polítiques de derecha,[10] anque de nuevu aguantóse a amosase partidariu, prefiriendo dirixise tanto a la izquierda como a la derecha nos sos vídeos.[5] L'impactu de la so canal promovió'l trabayu de productores de conteníu empobinaos a la mesma temática, ente ellos la tamién youtuber Xeno Shenlong.[11]
En mayu de 2019 UTBH saltó a los medios cuando la so participación nel Free Market Road Show de Castellón, al que fuera convidáu como ponente, foi oxetu d'un escrache. L'autoría del incidente correspondió al colectivu feminista Subversives, que llamara al boicó del actu por consideralo «fascista y misóxinu», y que los sos miembros hubieron de ser desallugaos pola Policía Nacional.[9][12] El youtuber dedicó díes dempués un videu al incidente con cuenta de responder a les acusaciones.[13]
El mesmu mes, llanzó'l so primer llibru, Prohibir la manzana y encontrar la serpiente, escritu cola antropóloga y youtuber Leyre Khyal.[14]
En setiembre de 2020, Candanedo empezó a trabayar como columnista selmanal nel diariu dixital Vozpópuli.[15]
Obres
editar- Con Leyre Khyal, Prohibir la manzana y encontrar la serpiente, Deusto (2019)
Referencies
editar- ↑ URL de la referencia: https://www.elmundo.es/f5/2015/09/10/55f05f90268e3edf128b459f.html. Espublizáu en: El Mundo. Data de consulta: 9 ochobre 2021.
- ↑ URL de la referencia: https://www.elespanol.com/cultura/20190331/tio-blanco-hetero-feminismo-mojigateria-represion-discurso/386962519_0.html. Espublizáu en: El Español. Data de consulta: 29 mayu 2022.
- ↑ Lorena G. Maldonado (31 de marzu de 2019). «Un Tío Blanco Hetero: "El feminismo fomenta la mojigatería, la represión y el discurso antisexo"» (castellanu). El Español.
- ↑ 4,0 4,1 4,2 4,3 4,4 4,5 4,6 4,7 Daniel Somolinos (17 d'agostu de 2018). «'Un tío blanco hetero', el verdugo del feminismo moderno, da la cara» (castellanu). El Mundo.
- ↑ 5,0 5,1 5,2 5,3 5,4 5,5 5,6 Javier Elío (17 d'agostu de 2018). «Un Tío Blanco Hetero: hablamos con el azote youtuber del 'feminismo pop'» (castellanu). El Español.
- ↑ 6,0 6,1 6,2 6,3 Elena Berberana (24 d'abril de 2018). «'Un Tío Blanco Hetero', el nuevo azote de las feministas: "La gente ya está harta de su discurso de odio"» (castellanu). Libremercado.com.
- ↑ «En tu puta cara» (castellanu). El País (21 d'abril de 2016). Consultáu'l 23 de setiembre de 2020.
- ↑ «“Dar cancha a un misógino en una radio pública es de vergüenza“: duras críticas a Radio 3 por entrevistar a ‘Un Tío Blanco Hetero’» (castellanu). Público (16 d'agostu de 2019).
- ↑ 9,0 9,1 «Escrache feminista al 'youtuber' Un tío blanco hetero en Castelló» (castellanu). El Periódico Mediterráneo (9 de mayu de 2019).
- ↑ Víctor Sebastián (7 de xineru de 2019). «Un tío blanco hetero, el youtuber que va en dirección contraria» (castellanu). Thewatmag.com.
- ↑ «Canal de Xeno». YouTube (xunu de 2018).
- ↑ Borja Ramírez (9 de mayu de 2019). «Activistas feministas reciben al 'youtuber' 'Un tío blanco hetero' al grito de "fuera machistas de Castellón"» (castellanu). Eldiario.es.
- ↑ «Mi primer escrache feminista». YouTube (10 de mayu de 2019).
- ↑ Sergio Parra (7 de mayu de 2019). «Libros que nos inspiran: 'Prohibir la manzana y encontrar la serpiente', de Un Tío Blanco Hetero» (castellanu). Xataka.
- ↑ «Un Tío Blanco Hetero escribirá cada lunes en 'Vozpópuli'» (castellanu). Vozpópuli (9 de setiembre de 2020). Archiváu dende l'orixinal, el 2020-11-14.
Enllaces esternos
editar
Wikimedia Commons acueye conteníu multimedia sobre Un Tío Blanco Hetero.- Un Tío Blanco Hetero en Facebook
- Un Tío Blanco Hetero en Twitter
Datos: Q66828662- Multimedia: Un Tío Blanco Hetero
