Unai Sordo
Unai Sordo Calvo (2 d'ochobre de 1972, Barakaldo) ye un líder sindical español. Secretariu xeneral de CCOO del País Vascu dende 2009,[1] foi escoyíu secretariu xeneral de CCOO nel so XI Congresu Confederal. Con anterioridá, foi tamién secretariu de Mocedá (2000-2004) y Territorial de Bizkaia (2004-2009).
Unai Sordo | |||
|---|---|---|---|
 | |||
1r xunetu 2017 - ← Ignacio Fernández Toxo (es)  | |||
| Vida | |||
| Nacimientu | Barakaldo, 2 d'ochobre de 1972 (52 años) | ||
| Nacionalidá |
 España | ||
| Estudios | |||
| Estudios | Universidá del País Vascu | ||
| Llingües falaes | castellanu | ||
| Oficiu | sindicalista | ||
| Miembru de | Comisiones Obreres | ||
 | |||
Biografía
editarUnai Sordo ñació'l 2 d'ochobre de 1972 en Barakaldo (Bizkaia), nuna familia de clase humilde orixinaria de Valladolid.[2] Ye diplomáu en Graduáu Social pola Universidá del País Vascu (UPV-EHU) y trabayó nel sector de la industria de la madera enantes d'incorporase con responsabilidá al sindicatu. Amás, foi militante activu mientres los años anteriores a la so integración.
Trayeutoria
editarEn xunu del añu 2000, nel VII Congresu, Unai Sordo asumió la Secretaría de la Mocedá de CCOO-Euskadi. Nel VII Congresu (2004) pasó a ser responsable territorial de Bizkaia. Dientro'l sindicatu, Sordo tamién participó nel siguimientu de eleiciones sindicales, formación interna y desendolcu de campañes.
Foi escoyíu secretariu xeneral de CCOO-Euskadi nel IX Congresu, celebráu en 2009, siendo reelixíu nel X Congresu (2013) col sofitu del 96% de los delegaos.[3]
El 11 de marzu de 2017, Ignacio Fernández Toxo, secretariu xeneral de CCOO, anunció que nun se presentaría a la reelección nel XI Congresu Confederal, que se diba celebrar en xunu d'esi añu. Darréu, sofitó énte'l Conseyu Confederal del sindicatu la candidatura de Sordo, que llogró 117 votos a favor y 6 astenciones.[4][5] Sicasí, Toxo afirmó qu'esti sofitu "nun torga que se presente otru candidatu".[6] Unai Sordo foi escoyíu Secretariu Xeneral de CCOO'l día 30 de xunu de 2017.
Referencies
editar- ↑ «Comisiones Obreres d'Euskadi. Conoz_CCOO%3A%C3%93rganos_de_direcci%C3%B3n.» (castellanu). Consultáu'l 11 de marzu de 2017.
- ↑ (en Castellán) Unai Sordo: el sindicalista que nun se fixo abertzale nel institutu. eldiario.es. https://www.eldiario.es/norte/euskadi/Unai-Sordo-sindicalista-abertzale-instituto_0_621188102.html. Consultáu'l 11 de marzu de 2017.
- ↑ (en Castellán) Unai Sordo, un sindicalista de 44 años con amplia esperiencia. https://www.publico.es/economia/unai-sordo-sindicalista-44-anos.html. Consultáu'l 11 de marzu de 2017.
- ↑ (en Castellán) Toxo nun se va presentar a la reelección como secretariu xeneral de CCOO. ELMUNDO. https://www.elmundo.es/economia/2017/03/11/58c3d785ca4741a9688b458d.html. Consultáu'l 11 de marzu de 2017.
- ↑ (en Castellán) Toxo propón a Unai Sordo como candidatu a la secretaría xeneral de CCOO. Espansión.com. http://www.expansion.com/economia/politica/2017/03/11/58c3f4cf268y3y67598b45d5.html. Consultáu'l 11 de marzu de 2017.
- ↑ País, Ediciones El títulu=Fernández Toxo retirar tres ocho años al mandu de Comisiones Obreres (11 de marzu de 2017) (en castellanu). EL PAÍS. http://economia.elpais.com/economia/2017/03/11/actualidad/1489230486_460291.html. Consultáu'l 11 de marzu de 2017.
Enllaces esternos
editar
Wikimedia Commons acueye conteníu multimedia sobre Unai Sordo.
Datos: Q12268566- Multimedia: Unai Sordo
