88.18.29.124

enantes que salte la mecha, dicir que namás quería desfacer un cambéu. El problema ye que hai tantes ediciones tuyes, que al desfaceles desfáense toes. Nun me parecen esautes les razones qu'esgrimíes nel artículu. (Tamién pueden nun parecete bones les míes, pero namás protexo les qu'agora mesmo hai). Entenderás, que al usar una I.P. anónima y non un nome d'usuariu, talos comentarios nuna páxina como la del "dominiu" son siempres susceptibles de vandalismu. Ye por ello qu'encamiéntote a que:

• 1 - Rexistres un nome d'usuariu, au poder dirixinos ensin tener que saber qué IP tienes cada selmana, y poder tener un alderique "normal"
• 2 - Que nun te lo tomes a mal, pero, en custiones de ciertos artículos, ye necesario tener un consensu. Agora mesmo, dientro del dominiu nun se fala de llingües y dialeutos. Sinón d'una llingua y les sos variantes.

Un saludu. Nun contesto a númberos IP. Comprende que al variar d'un día pa otru, ye enforma abegoso saber a quién te dirixes. --Astur 13:51, 1 abril 2010 (UTC)

Bones

Bien. Toi dispuestu a aceutar tolos puntos de vista. Esto ye una uiquipedia, y como llibre, toles opciones tienen cabida. En cuanto a que les mios consideraciones pueden rayar el vandalismu, vamos dexalo pa prau. Yo namás pretendo que veas el mio puntu de vista: seguir una direición IP que fai munchísimos cambeos por artículu, y que güei tien esti númberu y mañana otru, nun dexa de ser un braeru incordiu. Namás te pido por favor que rexistres un nome. Dame igual cual. Cuando vemos tantísimos cambeos con IP's namás pensamos en vandalismu. Munches vegaes pásense hores y hores determinando si l'usuariu tien un propósitu maliciosu o namás quier dar aportaciones. Al final, decídese lo más fácil: nun me/nos des problemes y rexístrate

Como verás, nel artículu del Senabrés, la referencia que punxisti nun funcionaba, y yá ves que lo correxí pa que s'amosare correutamente la referencia, que agora queda muncho meyor. (ah, claro... que lo fice con IP anónima....¿entiendes agora lo que te quiero dicir?)

Acusame de vandalismu a mí, nun diba tener munchu xacíu. Puedo equivocame (y fáigolo muncho), pero lo que sí te puedo dicir, ye que los númberos IP con milenta aportaciones faen perder la paciencia y lleven a apresurase a la hora de calcar el botón de bloquiar. Eso namás lo sabes cuando lo ves tolos díes. Si te ves afectáu por una de eses decisiones (reconozo que a vegaes, equivocada) tiéneslo bien complicao dempués pa desplicar l'embrollu. Tanto porque naide va creete (nesi intre tarás usando otru númberu de IP), como porque'l resultáu diba ser el mesmu: desbloquiar una IP pa que mañana tengas otra. Pídote por favor, que rexistres un nome. Dedicámos-y más tiempu a les persones que a los númberos.

Ensin querer siguir col tema, pídote qu'entiendas la mio postura. Un saludu. --Astur 19:01, 1 abril 2010 (UTC)

Senabrés

Si tas trabayando nun artículu y entá tienes pensao siguir con él, recomiéndote que pongas la plantía {{editándose}}, pa evitar que te borren párrafos, (como por exemplu el que yo mesmu desanicié) por falta de referencies. --Astur 19:06, 1 abril 2010 (UTC)

2ᵁ

2º.- Reversiones feches sobre l'artículu Asturianu. Historia, Familia llingüística y carauterístiques xenerales del Asturianu tamién fo confechu por "anónimu-yo". Cuido que tengo contribuyío abondo n'esti artículu destacáu.

Tamién yo contribuyí nesi artículu. El contribuyir más o menos nun artículu nun fai que te perteneza. Nun considero qu'esi artículu seya míu, pero tampoco tuyu.

Decir que l'ALLA nun contempla normes uniformes pa un trazu del asturianu, nun ye nengún "comentariu maliciosu". Ye cenciellamente un fechu oxetivu que vése con mirar les formes encamentáes nel diccionariu. El comentariu, a la escontra de la to valoración personal nun tién nengún enfotu maliciosu. El comentariu ta puestu namás pa alvertir que inda siendo un trazu del asturianu, l'ALLA encamienta l'usu de resultáos estremaos, y que'l trazu nun tien que tomase como "norma llingüística". Ye dicir; l'ALLA nun guarda conciencia d'esti trazu como norma, debiendo dicise cárcel y mármole.

Puede que nun seya comentariu maliciosu. Ye verdá que cataloguélu asina. (vuelvo a pedite que pienses que namás veo una IP que fai MUNCHOS cambeos). De toes formes, el comentariu ta mui mal puestu, porque póneslu como "referencia" usando les tags <ref> . Esto fai que al final, salga ente les referencies. Y lloñe de ser una referencia, ye una opinión personal tuya. Nos artículos de la Uiquipedia nunca se pon les "Notes del autor". Les valoraciones personales nun se permiten, porque la Uiquipedia NUN YE una fonte primaria: http://es.wikipedia.org/wiki/Wikipedia_no_es_una_fuente_primaria. Ye por eso que desanicié la "referencia" que nun ye referencia. --Astur 19:15, 1 abril 2010 (UTC)

Gallegu-Asturianu

El Gallegu-asturianu ye una "fala de transu". Fala de transu quier dicir que nun ye a incluyíse nel dominiu llingüísticu gallegu-portugués, y tan poco nel dominiu llingüísticu astur. Asina ye que l'ALLA nun inclui la fala nes normes de la Gramática de llingüa asturiana, y que darréu creare una Oficina específica pa la so normativa. Resumiendo: el Gallegu-asturianu nun ye Asturianu, y naide lu considera "variante interna del asturianu".

Entiendo perfeutamente lo que ye una fala de tránsitu (transu enxamás lo oyera (Junquera Huergo paezme qu'adoutó munches pallabres, de mou más o menos feliz dalgunes vegaes)), sé perfeutamente lo que significa. Yá ví que lo movieres xunto col Mirandés al artículu del "dominiu". De toes formes "Gallegu-asturianu" paezme bien que quede ehí. El "Gallegu-asturianu" tien dalgo d'asturianu (lo mesmo que de gallegu), poro, puede considerase que ye una variante del asturianu, que per aciu del roce que tien cola otra llingua, ta siendo modificáu, alteráu y/o variáu, poro, sí puede considerase dientro de les variantes del asturianu. De toes formes, si nun consideres que seya una variante del asturianu, tampoco-y veo xacíu a que lu movieres al artículu del dominiu, porque d'igual forma podríen dicite que ta dientro del dominiu "gallegu".

Resumiendo. L'artículu lleva ehí unos cuantos años, y naide-y vió problema. Enantes de facer cambeos "delicaos", hai que ganase la razón un pocoñín. (Insisto en que rexistres una cuenta) --Astur 19:27, 1 abril 2010 (UTC)

Vandalismu

Repito. Andes rondando'l vandalismu. La to función d'alministrador nun algama pa desfacer contribuciones series y documentaes, ni pa imaxinar enfotos maliciosos a comentarios que nun los tienen. To d’acurdu contigo en que nun guardo ningún interés en prender ninguna mecha. Namás quiero trabayar en paz.

• 1- Les cuestiones delicaes que nun se documenten, desaníciense de secute y ensin miramientos. Nel artículu del Senabrés, puedes ver cómo dempués de documentalo, nun hai res qu'oxetar. Les referencies que nun son referencies, sinón Notes del autor, son oxetives, poro, nun deben permitise. Nesti puntu, suxerite que hai formes d'adornar un artículu. Anímote a ello. Munchos autores fáenlo. Pero intenta que'l puntu de vista seya lo más imparcial posible.
• 2- Hai artículos especialmente críticos nesta uiquipedia, y que son l'oxetivu númberu ún de tou vándalu. Son precisamente nos que más ediciones tas faciendo. Ye por eso que la espita salta a la mínima. (mira l'hestorial d'ediciones revertíes nesos artículos y verás lo que te digo). Quiero dicir, que los cambeos que tú faes, son críticos. Nin digo que seyas vándalu, nin digo lo contrario. Namás que seyas lo más imparcial/neutral/veraz que puedas. Agora que, acusame a mí de vándalu, ye lo más disparatao qu'oyí enxamás. Sí te digo que, n'artículos como los que tamos falando, prefiero equivocame a dexalos pasar. Y ye más susceptible ver comentarios maliciosos ehí, que en dengún otru artículu. L'artículu ye de llibre edición, pero nun ye nada raro nuna wikipedia, alcontrase con artículos ZARRAOS a la edición. Si lo faen otres wikipedies, entenderás que equí hai más llibertá que n'otres. Usa esa llibertá como te venga en gana, pero con curiáu. Cualquier edición puede discutise, pa eso esisten les páxines de discusión. Nun hai casi nada que nun se resuelva falando. Un saludu. --Astur 19:41, 1 abril 2010 (UTC)

Contribuciones anónimes

Bones. Ruégote con procuru que si decides siguir contribuyendo, pienses en rexistrate. Por supuestu, nun ye obligatorio, pero fai que les tos contribuciones, sobre too d'esta triba d'artículos tan delicaos, nun tiendan a considerase "culpables mentes nun se demuestre lo contrario", yá sabes lo que quiero dicir. Por eso en toles Uiquipedies pidimos que lo que s'escriba tea fundamentao nuna fonte primaria, cola so respeutiva referencia fiable. He dicir, sicasí, que nesta Uiquipedia paezme que tenemos bastante tolerancia y diálogu con estes coses; intenta camudar esos artículos na wiki castellana o na inglesa, y yá verás lo que te faen, sobre manera siendo anónimu. Resumiendo: bienllegáu a esti espaciu, pero, por favor, pídote que contribuyas con xacíu, con datos rigurosos y ampliamente demostraos, y non coles tos opiniones personales o el to paecer de cómo a ti te gustaria que fuera l'asuntu que quies tratar. Un saludu candial y adelantre. --Esbardu (alderique) 20:08, 1 abril 2010 (UTC)