V2388 Ophiuchi

V2388 Ophiuchi

V2388 Ophiuchi (V2388 Oph / HD 163151 / HIP 6676)[1] ye un sistema estelar na constelación de Ophiuchus de magnitú aparente media +6,26. Como primer aproximamientu, puede considerase a V2388 Ophiuchi una estrella binaria —de magnitúes respeutives +7,4 y +7,6— con una separación de namái 0,088 segundos d'arcu. Sicasí, la componente más brillosa, V2388 Ophiuchi A, ye de la mesma una estrella binaria de contautu binaria de contautu, polo que'l sistema ye en realidá una estrella triple. Alcuéntrase a 221 años lluz de distancia del Sistema Solar.

V2388 Ophiuchi Aa/Ab
Constelación Ophiuchus
Ascensión reuta α 17h 54min 14,17s
Declinación δ +11º 07’ 50,1’’
Distancia 221 años lluz
Magnitú visual +7,4 (conxunta / variable)
Magnitú absoluta +1,95 / +3,82
Lluminosidá 13,5 / 2,45 soles
Temperatura ~ 6900 / 6349 K
Masa 1,80 / 0,34 soles
Radiu 2,60 / 1,30 soles
Tipu espectral F3V (conxunta)
Velocidá radial -41 km/s

Les componentes de la binaria de contautu tán tan próximes ente sigo que comparten les capes esteriores, siendo el so periodu orbital de namái 0,8023 díes (19,26 hores).[2] Los dos estrelles, con temperatures respeutives de 6900 ~ y 6349 K, tienen mases bien distintes, siendo la rellación ente éstes q = 0,187.[3] La componente primaria ye 13,5 vegaes más lluminosa qu'el Sol; tien una masa de 1,80 mases solares y el so radiu ye 2,60 vegaes más grande qu'el del Sol. La componente secundaria, 2,45 vegaes más lluminosa que'l Sol, tien una masa de 0,34 mases solares y un radiu un 30% más grande que la solar. La estrella primaria paez tar más evolucionada que la secundaria nel diagrama de Hertzsprung-Russell, y ta rematando la so etapa como estrella de la secuencia principal.[4] El tipu espectral d'esta binaria ye F3V.[3]

Completa'l sistema estelar una estrella de 0,84 mases solares, qu'emplega 8,9 años en dar una vuelta alredor de la binaria de contautu.[5] La separación respeutu al par interior ye de 6 ~ UA.

ReferenciesEditar

Coordenaes:   17h 54m 14.159s, 11° 7 49.858