V 2009 (serie de televisión)

V 2009 (serie de televisión)
Datos
Títulu orixinal	V
Xéneru	ciencia ficción y invasión estraterrestre
País d'orixe	Estaos Xuníos
Idioma orixinal	inglés
Duración	42 min.
Direición	Yves Simoneau, Jonathan Frakes, Robert Duncan McNeill, Bryan Spicer y Jesse Warn
Productor	Christine Roum (es)
Guionista	Sam Egan y Rockne S. O'Bannon
Compositor	Marco Beltrami
Númberu de temporaes	2
Llista de temporaes	ver V, season 1 (en) y V, season 2 (en) ;
Númberu d'episodios	22
Llista d'episodios	Anexo:Episodios de V (2009) (es)
Repartu	ver Elizabeth Mitchell ; Morris Chestnut ; Morena Baccarin ; Joel Gretsch ; Laura Vandervoort ; Logan Huffman ; Christopher Shyer ; Lourdes Benedicto ; Alan Tudyk ; Mark Hildreth ; Zak Santiago ; Nicholas Lea ; Oded Fehr ; Michelle Harrison ; Barbara Tyson ; Ryan Kennedy ; Jane Badler ; Martin Cummins ; Lucie Borhyová ; Kyle Labine ; Kacey Rohl ; Britt Irvin ; Samantha Ferris ; Françoise Robertson ; Terry Chen ; Jim Byrnes ; Jessica Parker Kennedy ; Tyler Johnston ; Roark Critchlow ; Ona Grauer ; Sarah-Jane Redmond ; Michael Trucco ; Jesse Hutch ; Jodi Balfour ; Erica Carroll ; Lexa Doig ; Ingrid Kavelaars ; Kennedi Clements ; Stefan Arngrim ; Beverley Elliott ; Rekha Sharma ; Peter James Bryant ;
Primer emisión	3 de payares de 2009
Última emisión	15 de marzu de 2011
Emisora orixinal	American Broadcasting Company
Distribuidora	Warner Bros. Television
	Web oficial

V ye una serie de televisión de ciencia ficción emitida pola cadena d'Estaos Xuníos ABC durante dos temporaes, ente'l 3 de payares de 2009 al 15 de marzu de 2011^[1]^[2]. N'Asturies emitióla TPA.

Ye un remake de V, creada pol productor Kenneth Johnson. Cunta la historia dende la llegada a la Tierra d'un especie alieníxena teunolóxicamente avanzada y pacífica, pero qu'en realidá tien motivos siniestros^[3]. El repartu de V ta compuestu por Morena Baccarin, Lourdes Benedicto, Morris Chestnut, Joel Gretsch, Logan Huffman, Charles Mesure, Elizabeth Mitchell, Laura Vandervoort y Scott Wolf. L'equipu de producción exceutiva ta formáu por Scott Rosenbaum, Yves Simoneau, Scott Peters, y Jace Hall^[4]. La serie foi producida por The Scott Peters Company, HDFilms y la Warner Bros. Television.

El 13 de mayu de 2011, ABC anuncia la cancelación de V^[5].

Premise

Xigantes naves estraterrestres apaecen sobre les 29 mayores ciudaes del mundiu y Anna (Morena Baccarin), la guapa y carismática líder de los Visitantes, declara la so llegada en son de paz. Los Visitantes dicen precisar una pequeña cantidá de recursos de la Tierra pa poder continuar el so viaxe, a cambiu de lo que dexaran parte de la so avanzada teunoloxía. Un grupu pequeñu d'humanos entama a duldar de la benevolencia de los Visitantes. Esti grupu va ser investigáu pola axente del FBI Erica Evans (Elizabeth Mitchell) que fina por descubrir que los estraterrestres, reptiles cubiertos d'una piel humano artificial, llevan años infiltraos na vida del planeta. Erica va xunise al movimientu de resistencia escontra la ocupación de los visitantes xunto a Ryan (Morris Chestnut), un visitante d'una cédula dormida qu'entama a sintir emociones humanes y lluchará escontra de la so especie pa salvar la humanidá.

Repartu y personaxes

Elizabeth Mitchell ye Erica Evans, una axente antiterrorista del FBI que llega a convertise en líder de la resistencia de la Quinta Columna.
Morris Chestnut ye Ryan Nichols, un visitante que llega a la Tierra pa infiltrase ente los humanos y da-y apoyu a los planes invasores de la so especie. Poro embargu, desarrolla emociones humanes y terminará por xunise a la Quinta Columna, a la que traicionará cuando Anna, la líder de los Visitantes, secuestra a la so fía.
Joel Gretsch ye'l Padre Jack Landry, un cura católicu con un pasáu nel exércitu americanu. Xunirase a Erica nun alianza escontra los invasores tres descubrir el so secretu. Col tiempu, verase en conflictu cola xerarquía de la ilesia. Ye finalmente espulsáu de la Ilesia católica dempués de falar escontra los Visitantes.
Logan Huffman ye Tyler Evans, el fíu mozu d'Erica. Tyler verase atrayíu por Lisa, una xoven visitante, pa xunise al programa d'embaxadores pola paz. Col tiempu, va averase a Anna. Los Visitantes esperimentaron con él cuando namái yera un fetu durante l'embarazu d'Érica pa robá-y parte del so ADN. Muerre nel final de la segunda temporada taramiáu pola hermana ximielga de Lisa.
Lourdes Benedicto ye Valerie Stevens (temporada 1)ye la muyer de Ryan. Desconoz el secretu del so home, que descubre enantes de ser asesinada por Anna dempués del partu del primer neñu híbridu ente Visitantes y humanos.
Laura Vandervoort ye Lisa, una Visitante a la que so ma, Anna, va encarga-y enamorar a Tyler. Esi amor acabará despertando nella sentimientos humanos, polo que terminará xuniéndose a la Quinta Columna. Na segunda temporada, Anna descubre la so traición y va sustituyíla pola so hermana ximielga (tamién interpretada por Laura Vandervoort).
Charles Mesure ye Kyle Hobbes, ún de los mercenarios más buscaos del planeta, que va ser reclutáu pola Quinta Columna pa derrotar a Anna.
Morena Baccarin ya Anna, la líder de los Visitantes. Ye fría y manipuladora. Reina de los Visitantes caltién el control de los sos súbditos mediante la telepatía.
Scott Wolf ye Chad Decker, un periodista televisivu que va caltener una cercana rellación con Anna, que va utilizalu pa manipular a la humanidá. Na segunda temporada va xunise a la Quinta Columna, dende onde conspirará escontra la líder alieníxena.

Cancelación

Depués de la cancelación anunciada pola cadena d'emisión ABC en mayu de 2011, entamó una campaña ente los fans de la serie baxo'l nome de "Project Alice", que tien l'oxetivu d'algamar la renovación de la ficción n'otra canal^[6].

Referencies

↑ Rice, Lynette (July 25, 2009). «V: ABC's alien series invades Comic-Con—but does it come in peace?». Entertainment Weekly.
↑ Sullivan, Brian Ford (8 agostu 2009). «ABC Books V for November 3». The Futon Critic.
↑ Garron, Barry (30 ochobre 2009). «V – TV Review». The Hollywood Reporter.
↑ Abrams, Natalie (3 payares 2009). «V Switches Showrunner». TVGuide.com.
↑ Ausiello, Michael (13 mayu 2011). «Breaking: ABC Cancels Brothers & Sisters, V, Mr. Sunshine, Four Others». TV Line. Archiváu dende l'orixinal, el 2012-06-20.
↑ D'Orazio, Valerie (April 8, 2011). «V Executive Producer Scott Rosenbaum Talks Project Alice...and Saving The Show!». MTV Geek. Archiváu dende l'orixinal, el 2011-12-16.

Enllaces esternos

[1] Rice, Lynette (July 25, 2009). «V: ABC's alien series invades Comic-Con—but does it come in peace?». Entertainment Weekly.

[2] Sullivan, Brian Ford (8 agostu 2009). «ABC Books V for November 3». The Futon Critic.

[3] Garron, Barry (30 ochobre 2009). «V – TV Review». The Hollywood Reporter.

[4] Abrams, Natalie (3 payares 2009). «V Switches Showrunner». TVGuide.com.

[canceled-5] Ausiello, Michael (13 mayu 2011). «Breaking: ABC Cancels Brothers & Sisters, V, Mr. Sunshine, Four Others». TV Line. Archiváu dende l'orixinal, el 2012-06-20.

[6] D'Orazio, Valerie (April 8, 2011). «V Executive Producer Scott Rosenbaum Talks Project Alice...and Saving The Show!». MTV Geek. Archiváu dende l'orixinal, el 2011-12-16.

[1]

[2]

[3]

[4]

[5]

[6]