Wikipedia

Valentín González Suárez

activista mexicanu d'orixe asturianu (1893–1968)

Valentín González Suárez (12 de marzu de 1893, Fresno – 1 d'abril de 1968, Orizaba) foi un asturianu que vivió na ciudá mexicana d'Orizaba. Ye conocíu por ser el creador d'una iniciativa de llei pa la formación d'un organismu encargáu de la Seguridá Social. Ye consideráu'l precursor del Seguru Social en Méxicu.

Valentín González Suárez
Vida
Nacimientu Fresno, 12 de marzu de 1893
Nacionalidá Bandera de Méxicu Méxicu
España
Muerte Orizaba, 1 d'abril de 1968 (75 años)
Sepultura Panteón de Orizaba (es) Traducir
Estudios
Llingües falaes castellanu
Oficiu activista
Cambiar los datos en Wikidata

Biografía

editar
 
Institutu Mexicanu del Seguru Social

Iniciador y promotor importante del seguru social, non yá en Veracruz sinón en tou Méxicu. Panaderu de profesión ante la crisis económica trabayó na industria testil y abandonólo al ser calificáu de comunista. Escribió'l documentu "Un estudiu de Seguru Xeneral del Trabayu de Previsión Social", publicáu primeramente en 1939 y reeditáu en diverses ocasiones; nel escritu presentó formes de financiamiento y prestaciones del seguru social. Les sos idees nun fueron ayenes a la creación del IMSS. Na década de 1920, Valentín González Suárez empecipió en Orizaba, col sofitu d'otros compañeros de trabayu, l'agrupación llaboral solidaria Seguru Obreru, financiada con aportaciones de los trabayadores y empresarios. Los fondos yeren controlaos por representantes obreros, que s'utilizaben pal pagu de servicios médicos, alquisición de melecines y sofitu económicu ante enfermedad y accidentes. Los obreros que cuntaben coles prestaciones del Seguru Obreru moraben en Orizaba, Río Blanco y Santa Rosa, güei Ciudá Mendoza. Escontra 1936, el grupu de González Suárez estructuró formalmente una organización de proteición social: La Sociedá Pro Seguru Social. En reconocencia a los sos estudios, escritos y llabor a favor de los seguros sociales polo xeneral, y del IMSS en particular, González Suárez foi nomáu alministrador de los servicios que subrogaba l'IMSS nel Hospital Civil Ignacio de la Llave» en Orizaba. Morrió en 1968 y los sos restos reposen nel Antiguu Panteón de Orizaba en Veracruz.

Bibliografía

editar
  • Fajardo Ortiz, Guillermo. Curtia hestoria de los hospitales del IMSS en Orizaba, Veracruz. Rev Med Inst Mex Seguro Soc 2008; 46 (2): 219-222 219.
  • Serralta González, Rogelio. "Valentín, un neñu con espíritu de grandor infrayable".

Referencies

editar

Enllaces esternos

editar
Sacáu de «https://ast.wikipedia.org/w/index.php?title=Valentín_González_Suárez&oldid=3800414»