Valentín Rivero

Valentín García Rivero Álvarez Jove (14 de febreru de 1817, Xixón – 30 de xunetu de 1897, Monterrey) foi un destacáu empresariu y diplomáticu español, naturalizáu mexicanu.

Valentín Rivero
Vida
Nacimientu	Xixón, 14 de febreru de 1817
Nacionalidá	Méxicu España
Muerte	Monterrey, 30 de xunetu de 1897 (80 años)
Estudios
Llingües falaes	castellanu
Oficiu	empresariu, diplomáticu

Biografía

Nació en Xixón, Asturies, el 14 de febreru de 1817. Los sos padres, José García Rivero y María Antonia Alvarez Jove, fueron fundadores de la fábrica de cristales d'aquella provincia. Estudió en Burdeos (Francia) y pasó a Méxicu en 1837 cuando tenía venti años, en busca del so hermanu Víctor Rivero, a quien atopó en Monterrey. Quedóse nesa ciudá trabayando pa la casa de don Francisco de la Penilla. El 16 de xineru de 1845 casóse con Maria Octavia Gajá Delaunay, orixinaria de Londres, en Tampico (Tamaulipas). Al volver a Monterrey púnxose a trabayar por cuenta propia, y en 1854 intervieno na fundación de la fábrica de filaos y texíos "La Fama", primer fábrica qu'esistió na frontera. En 1874 adquirió en propiedá les tierres de La Corralada, na villa de Santiago, onde instaló la fábrica de filaos "El Porvenir". En 1891 fundó la fábrica d'almidón "El Hércules", con maquinaria moderna, y en 1896 los molinos cilindru de Jesús María. Foi cónsul d'España en Monterrey dende 1877. Morrió nesa ciudá'l 30 de xunetu de 1897.

Don Valentín Rivero foi tíu, per parte de la so hermana Hermógenes, del presidente del Conseyu de Ministros d'España Raimundo Fernández Villaverde. Tamién foi tíu políticu del empresariu José A. Muguerza.

Ver tamién

• Gregorio Zambrano

Bibliografía

• Cavazos Garza, Israel (1996). Diccionariu Biográficu de Nuevo León. Grafo Print Editores.

Enllaces esternos

• Xenealoxía de Valentín Rivero.

• Datos: Q6158900