Valeriano León
Valeriano León (15 d'avientu de 1892, Cualloto – 13 d'avientu de 1955, Madrid) foi un actor de cine y teatru asturianu.
Valeriano León | |
|---|---|
 | |
| Vida | |
| Nacimientu | Cualloto[1], 15 d'avientu de 1892[2] |
| Nacionalidá |
 España |
| Muerte | Madrid, 13 d'avientu de 1955[2] (62 años) |
| Familia | |
| Casáu con | Aurora Redondo |
| Estudios | |
| Llingües falaes | castellanu |
| Oficiu | actor de cine, actor de teatru |
| Trabayos destacaos |
Es mi hombre Don Floripondio A los pies de usted El Padre Pitillo |
| IMDb | nm0508275 |
 | |
Biografía editar
Nació na llocalidá asturiana de Cualloto, en Siero, el 15 d'avientu de 1892. Formáu nel teatru cuando entá yera un neñu, más tarde entra a formar parte de la Compañía Chicote-Prado, cola que realiza xires por Llatinoamérica.
Al so regresu a España, reinicia la so trayeutoria teatral y atopóse-y na quema del Teatru Arriaga de Bilbao cola compañía de Salvador Videgain na Navidá de 1914.
En 1925 contrái matrimoniu cola actriz Aurora Redondo, cola que collecha un enorme ésitu interpretando la obra de Carlos Arniches Es mi hombre (1921). Poco dempués el matrimoniu forma la so propia compañía teatral percorriendo los principales teatros españoles con numberoses comedies.
En 1935 lleva aquel personaxe al cine, no que foi'l so debú na gran pantalla, de la mano de Benito Perojo. Un añu dempués empecipia'l rodaxe del filme Don Floripondio, que nun pudo estrenase hasta'l final de la Guerra Civil.
Hasta'l so fallecimientu siguió trabayando sobre los escenarios y rodó ocho películes más, ente les que destaquen A los pies de usted (1945) y El Padre Pitillo (1954), de Juan de Orduña. El so entierru ye recoyíu en portada del diariu ABC como una multitudinaria muestra de ciñu popular.[3][4]
Premios editar
- En 1956 recibió un premiu a títulu póstumu del Círculu d'Escritores Cinematográficos.[5]
Referencies editar
- ↑ URL de la referencia: http://datos.bne.es/persona/XX1184878.html.
- ↑ 2,0 2,1 Afirmao en: Find a Grave. Identificador Find a Grave: 23861179. Apaez como: Valeriano León. Data de consulta: 9 ochobre 2017. Llingua de la obra o nome: inglés.
- ↑ «Entierro de Valeriano León» (castellanu). ABC (15 d'avientu de 1995). Consultáu'l 10 de xunu de 2019.
- ↑ «Algunos recuerdos de la vida de Valeriano León» (castellanu). ABC (15 d'avientu de 1995). Consultáu'l 10 de xunu de 2019.
- ↑ «Premios del CEC a la producción española de 1955» (castellanu). CEC. Consultáu'l 10 de xunu de 2019.
Enllaces esternos editar
Wikimedia Commons acueye conteníu multimedia sobre Valeriano León 
.- Valeriano León na Internet Movie Database (n'inglés)
Datos: Q6158971- Multimedia: Valeriano León
