Veneros (El Campu)
Veneros[2] ye una aldea[3] de la parroquia d'El Campu, nel conceyu asturianu de Casu. Tien 57 hab. (2017)[4] y alcuéntrase a dos quilómetros d'El Campu.
 Veneros | |
|---|---|
 | |
| Alministración | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu |  Casu |
| Parroquia | El Campu |
| Partíu xudicial | Llaviana |
| Tipu d'entidá | aldea |
| Nome oficial | Veneros (ast)[1] |
| Códigu postal |
33990 |
| Xeografía | |
| Coordenaes | 43°10′44″N 5°20′00″W / 43.178878°N 5.333197°O |
  Veneros Veneros (Asturies) | |
| Altitú | 634 m |
| Demografía | |
| Población | 57 hab. (2017) |
| Porcentaxe | 0.02% de El Campu |
| Viviendes | 54 (2001) |
| Más información | |
| Estaya horaria | UTC+01:00 |
 | |
Destaquen, nel garapiellu de cases que la formen, un horru del sieglu XVI, con bien de decoración tallada, y una casona del sieglu XVI. Ye'l antiguu palaciu de Veneros, qu'acueye, dende l'añu 2001, elMuséu de la Madera de Casu. Nel pueblu había la lleenda, recoyida por Eladio G. Jove nel capítulu dedicáu a Casu na obra Asturias, d'Octavio Bellmunt y Fermín Canella, de que na Sierra'l Cárdenu, que queda enriba'l pueblu, podía vese peles nueches una lluz d'orixe desconocíu. Una lluz que, delles vegaes, quedaba ellí quieta, pero que otres baxaba fasta'l ríu Nalón. A los sos vecinos, según Luciano Castañón, llamábenlos oveyeros, seique porque hubiera abondos rebaños d'esos animales nel pueblu. Esti autor recueye tamién una copla que fala de les moces de Veneros, y que diz...
En Belerda sale el sol,
en Soto sale la luna,
y nel pueblín de Veneros
salen las chicas papudas.
Nel pueblu de Veneros celebren les fiestes de San Isidro, el 15 de mayu, y de San Xuan, cola típica foguera, el 24 de xunu. A ellas dédico-y Fabricio González (Poesías Asturianas, 1907), los siguientes versos:
Pe les feries de San Xuan
allá nel Campu de Casu,
perdió al xuegu'n tal Colasu,
un xatu, la llosa, el pan
y diez cuques de ñerbasu;
y, afayándose aflixíu,
dos duros pidió al tíu Bruno,
y éste dixoi: soy perdíu,
toma unu, que ansí, fíu,
ganaremos un cad'uno.
Ver tamién
editar- Pa ver otros sitios col mesmu nome: Veneros
Referencies
editar- ↑ «Boletín Oficial del Principáu d'Asturies» (castellanu). Conseyu de Gobiernu del Principáu d'Asturies. Consultáu'l 20 marzu 2023.
- ↑ «Espediente colos topónimos oficiales de Casu». BOPA.
- ↑ «SADEI: Noménclator d'entidaes del Principáu d'Asturies» (en castellanu).
- ↑ padrón municipal d'España de 2017
Enllaces esternos
editar
Datos: Q55561195
