Villalón de Campos
Villalón de Campos ye una población asitiada al norte de la provincia de Valladolid, (España), na denomada Tierra de Campos y estremera cola provincia de Palencia. La población ye de 1689 habitantes (INE, 2016). D'antiguo yera enforma mayor, pero'l procesu de decadencia rural en pro de les ciudaes provocó'l retrocesu demográficu d'esta llocalidá. Los habitantes dedíquense principalmente al sector primariu (agricultura y ganadería). La so fiesta principal ta dedicada a la Virxe de Fuentes.
 Villalón de Campos | |||
|---|---|---|---|
 | |||
| |||
| Alministración | |||
| País |  España | ||
| Autonomía |  Castiella y Lleón | ||
| Provincia |  provincia de Valladolid | ||
| Partíu xudicial | Medina de Rioseco | ||
| Tipu d'entidá | conceyu d'España | ||
| Alcalde de Villalón de Campos | Javier González Trapote | ||
| Nome oficial | Villalón de Campos (es)[1] | ||
| Códigu postal |
47600 | ||
| Xeografía | |||
| Coordenaes | 42°05′54″N 5°02′05″W / 42.0984°N 5.0347°O | ||
  Villalón de Campos Villalón de Campos (España)  | |||
| Superficie | 169.93 km² | ||
| Altitú | 843 m | ||
| Llenda con | Boadilla de Rioseco y Herrín de Campos | ||
| Demografía | |||
| Población |
1526 hab. (2023) - 791 homes (2019) - 811 muyeres (2019) | ||
| Porcentaxe | 0.29% de provincia de Valladolid | ||
| Densidá | 8,98 hab/km² | ||
| villalondigital.com | |||
 | |||
.svg)
Como reseña histórica cabo destacar que foi sede mientres los sieglos XV y XVI d'una importante feria de compra-venta de ganáu, sol auspicio de la familia Pimentel, condes de Benavente, y que tenía notable influencia a nivel comarcal.
Llocalidá asitiada nel Camín de Santiago de Madrid.
Demografía
editarEsta tabla amuesa la evolución demográfica de Villalon de Campos según datos del Institutu Nacional d'Estadística[2]
| 1998 | 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2012 |
| 2168 | 2168 | 2101 | 2056 | 2008 | 2019 | 2040 | 2024 | 1990 | 1971 | 1942 | 1915 | 1911 | 1858 |
Monumentos
editarEl Rollu Xurisdiccional que s'asitia nesta llocalidá ye unu de los más destacaos d'España. Esti rollu, foi fechu nel Sieglu XVI, ye d'estilu góticu y foi declaráu Monumentu Nacional.
La Ilesia de San Miguel ye un templu de los más relevantes nel estilu del góticu mudéxar. Na primer capiya de la so nave del Evanxeliu, asítiase'l sepulcru del clérigu lleonés don Diego González del Barcu, de Juan de Juni. Tamién na nave de la Epístola asítiase la Virxe col Neñu que ye atribuyida a Berruguete.
Tamién nel pueblu tán la Ilesia de San Xuan con un preciosu retablu, la Ilesia de San Pedro con una torre de cinco pisos y la Ermita de La nuesa Señora de Fontes asitiada a dos quilómetros de la llocalidá.
Mediu natural
editarParte del so términu municipal ta integráu dientro de la Zona d'especial proteición pa les aves denomada La Nava - Campos Norte[3] perteneciente a la Rede Natura 2000.
El quesu de Villalón
editarN'homenaxe a la muyer qu'ellaboró'l quesu en Villalón asitióse na plaza mayor del pueblu, xunto al rollu, una escultura que mide 1,85 metros realizada en bronce pol escultor vallisoletano Jesús Trapote. La escultura representa una figura femenina de mediana edá, con una cesta nel brazu na que tresporta los quesos y la anjilla (útil pa faer quesu). Na base lleva un testu alegóricu. Inauguróse'l 9 de mayu de 1998.
Tamién podemos visitar nesta llocalidá'l Muséu del Quesu, onde puede contemplase como tradicionalmente ellaborábase'l quesu nes cases de los ganaderos, los preseos que s'emplegaben y la so venta nel famosu mercáu que se celebraba los sábados y al allegaba xente de tola contorna.
Historia
editarMientres los sieglos XV al XVII foi señoríu xurisdiccional de la familia Pimentel conde-duques de Benavente, darréu condes de Villalón, títulu ésti que se perdió y qu'anguaño ye solo un títulu nobiliariu históricu.
Personaxes
editar- Antonio Alonso Pimentel y Herrera de Velasco (1514-1574), I conde de Villalón.
- Cristóbal Villalón (1510-1562) humanista protestante y escritor renacentista.
- Gaspar de Grajal (1530-1575) teólogu, biblista y hebraísta español.
- Antonio García Redondo (1760-1834) canónigu de la catedral de Ciudá de Guatemala.
- Clara del Rey (1765-1808) combatiente nel Parque d'Artillería de Monteleón Madrid mientres los sucesos del 2 de mayu de 1808.
- Eugenio Merín Movilla (1881 - 1953) sacerdote, escritor polígrafu y coleicionista.
- Mariano Esteban Rodríguez (1944) profesor d'investigación del CSIC.[4]
- Ángel León Gozalo (1907-1979) medayista olímpicu.
Gobiernu municipal
editarActual distribución del Conceyu
Partíos políticos nel Conceyu de Villalón de Campos | ||||
|---|---|---|---|---|
| Partíu políticu | Conceyales | |||
| Partíu Popular (PP) | ||||
| Partíu Socialista Obreru Español (PSOE) | ||||
Ver tamién
editarReferencies
editar- ↑ Afirmao en: Llista de Conceyos y los sos Códigos por Provincies a 1 de xineru de 2019. Data d'espublización: 8 febreru 2019. Editorial: Institutu Nacional d'Estadística.
- ↑ http://www.ine.es/
- ↑ http://rednatura.jcyl.es/natura2000/ZEPA/ZEPA2.html
- ↑ https://web.archive.org/web/20130117073346/http://www.150facultadefarmacia.com/bio_esteban.htm
Bibliografía
editar- Duque Herrero, Carlos. Villalón de Campos: hestoria y patrimoniu artísticu (del sieglu XIV al XVI). Palencia: Cultura & Comunicación, [2006]. 262 p.
Enllaces esternos
editar
Wikimedia Commons acueye conteníu multimedia sobre Villalón de Campos.
Datos: Q1657074- Multimedia: Villalón de Campos
