Villalmanzo
Villalmanzo ye un conceyu y llocalidá de la contorna del Arlanza na provincia de Burgos, Castiella y Llión (España).
 Villalmanzo | |||
|---|---|---|---|
 | |||
| |||
| Alministración | |||
| País |  España | ||
| Autonomía |  Castiella y Lleón | ||
| Provincia |  provincia de Burgos | ||
| Tipu d'entidá | conceyu d'España | ||
Alcalde de Villalmanzo (es)  | Enrique Palomero González | ||
| Nome oficial | Villalmanzo (es)[1] | ||
| Códigu postal |
09390 | ||
| Xeografía | |||
| Coordenaes | 42°02′52″N 3°44′38″W / 42.0476806°N 3.7439776°O | ||
  Villalmanzo Villalmanzo (España)  | |||
| Superficie | 24 km² | ||
| Altitú | 858 m | ||
| Demografía | |||
| Población |
424 hab. (2023) - 233 homes (2019) - 194 muyeres (2019) | ||
| Porcentaxe | 0.12% de provincia de Burgos | ||
| Densidá | 17,67 hab/km² | ||
| Más información | |||
| Estaya horaria | UTC+01:00 | ||
| villalmanzo.es | |||
 | |||
Situación xeográfica
editarAutovía del Norte 
de Madrid a Irún.
Historia
editarEl pueblu que data de la Edá Media foi fundáu mientres la repoblación mozárabe del Mediu y Baxu Arlanza, dempués del añu 912 coincidiendo col treslláu de la llinia de defensa cristiana al ríu Duero.
Los sos primeros años de vida nun fueron fáciles, asitiáu cerca de la frontera de la naciente Castiella sufrió como otros pueblos vecinos l'acoso de los moros, hasta tres veces foi afarada por éstos la zona, nos años 933, 953 y 955.
El día 2 d'agostu de 1812 la villa foi quemada poles tropes d'ocupación franceses, na so retirada, dempués de que fueren derrotaes na batalla d'Arapiles pol exércitu anglo-hispano-portugués. De la quema salváronse, ente otres, delles cases del barriu de «Cantarranas», conocíes dende entós como «Soles cases».
De Villalmanzo ye natural Marcelo Adrián Obregón, soldáu na Guerra d'España y Estaos Xuníos de 1898, formó parte de los que fueron llamaos «Los Postreros de Filipines», defensores del cuartel de Baler (Filipines) que nun rindieron hasta 11 meses dempués de rematar el conflictu.
Demografía
editarSufrió una fuerte despoblación mientres los años 60 y 70 del sieglu XX por cuenta de la emigración, principalmente escontra les zones industriales del País Vascu. Anguaño la cantidá de población ye estable, ya inclusive require de mano d'obra estranxera pa cubrir la demanda de trabayu na agricultura y ganadería.
Gastronomía
editarForma parte de la Denominación d'Orixe de vinos Ribera del Arlanza.
El chumarro ye'l platu típicu de Villamanzo. Ésti consiste en bacalao desalado en cachos grandes, rustíu en parrilles preferiblemente con madera de sarmiento. Darréu esmigáyase y cuez n'abondosu aceite d'oliva xunto con ayos y guindilla. Los productos tradicionales son: el vinu del añu llamáu «churrillo», la morciella (d'arroz), el corderu rustíu en fornu panaderu. De la repostería son típiques les magdalenas, les emes, los mantecados y les tortas d'aceite.
Personalidaes
editar- Marcelo Adrián Obregón (1877–1939), héroe militar español en Filipines.
- Pedro Echevarría Bravo (1905–1980), músicu y compositor español.
Hermanancies
editar
Referencies
editar- ↑ Afirmao en: Llista de Conceyos y los sos Códigos por Provincies a 1 de xineru de 2019. Data d'espublización: 8 febreru 2019. Editorial: Institutu Nacional d'Estadística.
Enllaces esternos
editar
Datos: Q1642603
Multimedia: Villalmanzo
