Virginia Auber Noya

Virginia Felicia Auber de Noya nació en La Coruña nel añu 1825 y morrió en Madrid nel añu 1897. Ye una escritora del Romanticismu español.[1]

Virginia Auber NoyaPicto infobox character.png
Virginia Felicia Auber casa do Conde de Arcos.jpg
Vida
Nome completu Virginia Auber Noya
Nacimientu A Coruña1821
Nacionalidá española
Fallecimientu Madrid20 de marzu de 1897
Estudios
Llingües castellanu
Oficiu
Oficiu muyer de lletresescritora
Alcuñu/os Felicia
Cambiar los datos en Wikidata

BiografíaEditar

Virginia Felicia Auber yera fía de Pedro Alejandro Auber ( d'orixe francés y nacionalizado español) y de Walda de Noya, gallega.[2] El so padre yera catedráticu y nel añu 1833 ocupó una cátedra na Universidá de L'Habana, razón pola cual la familia moró en Cuba hasta 1893 y tamién pola condición de catedráticu del so padre, Virginia recibió, magar la so condición de muyer, una esmerada educación humanista.[3][4]

Foi una escritora precoz (a los 18 años yá tenía llibros publicaos) qu'amás algamó prestíu y considerancia na so dómina, llegando a tener en propiedá un teatru en L'Habana. Amás de la so faceta como escritor Virginia Felicia Auber tamién exerció como traductora nel Diariu de L'Habana, realizó collaboraciones n'El Diariu de la Marina (de L'Habana), roblando los sos Folletinos dominicales sol so segundu nome de Felicia; collaboraciones na Revista Universal, de La Coruña; n'El Corréu de la Moda y Los Neños, de Madrid; y en La Madre de Familia, de Granada.[3] Tamién foi collaboradora del periódicu quincenal fundáu por Gertrudis Gómez d'Ablanéu “Álbum de lo bono y lo bello”, apurriendo dos artículos al mes.[2]

ObraEditar

Puede dicise que Virginia Felicia Auber ye una típica escritora del Romanticismu español, yá que siguió los tópicos tantu referíos al argumentu como a les formes de la novela histórica romántica. Ente les sos obres destacamos:[3]

  • Entretenimientos lliterarios, narraciones curties, L'Habana: Gobiernu de Cuba, 1843;[2]
  • Una hestoria so los árboles. Novela;[2]
  • Wilhermina;
  • Una aria de Bellini, novela de 1843;[2]
  • Leoncio;
  • Un casoriu orixinal, impresu na Imprenta del Gobiernu de L'Habana ente 1843-1844;
  • Una habanera, impresu na Imprenta del Gobiernu de L'Habana en 1851;
  • Otros tiempos, Imprenta del Diariu de la Marina, L'Habana 1856;
  • L'aguilandu de Luisa Molina, impresu en Matanzas, 1856;
  • Ambarina. Tomu I : hestoria doméstica cubana, impresu na Imprenta del Diariu de la Marina, Les Habana, 1858;[5]
  • Un amor misterioso. Episodiu de la Revolución francesa en 1793;
  • El castiellu de la lloca Teresa. Novela.[2]

Una obra so que nun se mentó hasta agora foi la obra teatral: Una delda de gratitud. Trátase d'una comedia nun actu d'enriedos amorosos (na que'l personaxe femenín de la criada ye la que resuelve tolos entuertos de los otros protagonistes), escrita en prosa, que s'estrenó, nel teatru propiedá de l'autora, el día 28 de marzu de 1846 y publicóse esi mesmu añu na Imprenta del Gobiernu, en L'Habana.[3][2]

ReferenciesEditar

  1. Cubanow. Lliteratura. Virginia Felicia Auber, narradora d'ésitu güei escaecida. [1] Consulta 3 de mayu de 2016
  2. 2,0 2,1 2,2 2,3 2,4 2,5 2,6 Escritores.com Lliteratura escrita por muyeres. VIRGINIA FELISA AUBER. [2]
  3. 3,0 3,1 3,2 3,3 La web de les biografíes. [3] Consulta 3 de mayu de 2016
  4. Virginia Felisa Auber [4]
  5. Biblioteca dixital Miguel de Cervantes. [5]

BibliografíaEditar

  • HORMIGÓN, Juan Antonio (dir.) Autores na Hestoria del Teatru Español (1500-1994). (Madrid: Publicaciones de l'Asociación de Direutores d'Escena d'España, 1996).
  • SIMÓN PALMER, Carmen. Escritores españoles del sieglu XIX. Manual bio-bibliográficu (Madrid: Castalia, 1991).