Wikipedia alderique:Bots/Solicitúes

Borro dos de les solicitúes que cuantayá pidió Dageno, poles siguientes razones:

• Pidía que se sustituyera la espresión "poco a poco" por "dapoco" porque considera qu'esa espresión nun esiste n'asturianu. Si buscamos esi alverbiu "dapoco" nel DALLA ([1]), defínelu precisamente con esa espresión "poco a poco", colo que cuido que sí esiste n'asturianu, poro, nun tien sentíu nengún facer esi cambéu.
• Pidía que se sustituyera l'alverbiu "rápidamente" por "aína". Ye cierto que'l DALLA nun inclúi esi alverbiu "rápidamente", pero pola cenciella razón de que nun s'inclúi la gran mayoría d'alverbios formaos d'un axetivu na so forma femenina más el sufixu "-mente", y como l'axetivu "rápidu, -a, --o" sí apaez nel DALLA ([2]), l'alverbiu "rápidamente" sí tien esistencia na llingua asturiana. Amás, "aína" tien otros significaos que nun tien "rápidamente", colo que sustituyilu sistemáticamente podría "adulterar" el significáu que se-y quixo dar a una fras al usar "rápidamente".

Sobre la sustitución de "clase" por "clas" nun digo nada encontra, yá que'l DALLA recomienda la forma "clas" ("clase" remite direutamente a "clas", ensin venir categorizada ([3])).

Bórroles, anque tenga pasao abondo tiempu yá, porque nun tien sentíu caltener eses afirmaciones que nun son ciertes, amás, puen provocar desinformación y equivocos innecesarios.--Etienfr 08:33, 30 setiembre 2011 (UTC)

¿Va esto?

Tengo puestes dende va tiempu delles solicitúes (de fechu, d'avientu 2012, un añu yá...), y nun veo que sirva pa que nengún bot, o quien lo tenga que facer o lo que seya (que nun sé cómo va esto) corrixa les coses. Veo que'l que s'encargaba yera Esbardu, pero va tiempu que nun pasa pequí. Nun taría mal que dalguién, dalgunu de los otros alministradores, tomara'l relevu, cuido...--etienfr (¡Vamos parolar!) 18:16, 11 avientu 2013 (UTC)