Wikipedia alderique:Política de votaciones

Modificaciones

Propongo les siguientes modificaciones a la política:

1. Tiempu pa votar: Baxalo de 30 a 15 días. Ye tiempu suficiente, un mes d'espera faese eternu.
2. Votos necesarios: Matizar que pa que lo que se somete a votación salga aceptáu, tien que tener la metá más unu de los votos. En casu de empate, se considera que nun salió alantre.
3. Una vez finalizada la votación: Nun ye mui hixénicu que la parte interesada (el presentador) sea'l que fae'l recuentu. Eso tien que ser cosa de los burócrates, que ye'l so cometíu.
4. Validez de la votación: Matizar que nel casu de permisos a usuarios o bots, nun ye a perpetuidá y que tendrán que cumplir los requisitos particulares de cada casu.

--Omarete (mensaxes) 09:57 1 ago 2018 (UTC)

Paezme bien. Sólo pidiría un mínimu de votantes (¿5, 10?) pa considerar «estable» una propuesta. Cola posibilidá d'ampliar el periodu si nun s'algama esi mínimu y lo pide'l que propon la votación. (Nun s'aplicaría a les candidatures d'alministradores, etc) --Oriciu (alderique) 10:34 1 ago 2018 (UTC)

Nun toi d'alcuerdu con dos coses una cosa: equí somos pocos, y munches vegaes nun mos conectamos frecuentemente, y puede haber votaciones importantes que precisen de toos nós, polo que ye preciso tener un tiempu de votación ampliu, non solo de dos selmanes. Cuido qu'un mes de votación nun ye un periodu llargu. Segundo, yá qu'un usuariu entama la votación, ye dicir, tien preocupación por daqué, que seya elli mesmu'l que la zarre, ye dicir, que tea pendiente de la mesma hasta'l final d'ella. La metada más un de los votos yá ta establecío. Y nun considero comeniente un mínimu de votos, somos una comunidá pequeña.--Limotecariu (¡Vamos parolar!) 11:20 1 ago 2018 (UTC)

Ye que tas viendo la votación como un procesu, non como un puntu final. Principalmente les votaciones son pa 2 coses: Dar permisos a usuarios / bots y pa acordar polítiques. Nel primer casu, 15 díes sobren, porque si se propón a alguien pa un cargu, ye porque nun va dar problemes. Raro sería una candidatura que nun salga. Lo mesmu pal casu los Bots, nunca naide dixo que non a unu. Ye más, nel casu los bots, yo dexaríalu en 7 díes. Teniendo en cuenta que'l Bot tien que tar en pruebes un tiempu antes de la votación, si se ve que nun va bien ya hubo tiempu de sobra pa avisar. Nel casu de les polítiques, les votaciones tienen que ser l'últimu recursu. De primeres, hai que proponer, discutir, debatir y buscar un consensu. Esto ya de por sí ye un plazu llargu de tiempu. Si hai consensu, nun fae falta votar, esa ye una de les polítiques universales de la Wikipedia. Si depués del tiempu de debate nun hai una postura común, ya se vota. El que ta interesáu va votar en cuanto entame la votación. Y el que nun participó nel debate, votará si-y apetez. Lo que sí que yera importante, ye poner un avisu nel chigre, tanto del debate como de les votaciones. Na es: hai (o había) llistes de correo pa estes coses, onde yera obligatoriu mandar l'avisu de les candidatures, por exemplu. Tamién podemos facer un sistema de notificaciones: Una páxina de la wiki onde puedan apuntase los interesaos en que-yos avisen de les votaciones y que'l bot de turnu les dexe un mensaxe na so páxina d'alderique si hai una nueva. Vamos, hai munches formes de dar publicidá y que la xente sepa que se votan coses.

Sobre lo del quorum, si ponemos un mínimu de 10, nun pesllamos una votación na vida haha. Pa candidatures yo nun pidiría mínimu, pa polítiques quizá si, precisamente como diz Limotecariu, por ser una comunidá pequeña, ye fácil que toos votemos, poner un mínimu de 5, por exemplu, ye bien senciellu. --Omarete (mensaxes) 08:45 2 ago 2018 (UTC)

Véolo como un procesu pa llegar a un puntu final, hehehe. Lo dicho, somos una comunidá pequeña que nun siempre tamos equí presentes, el tener prollongáu'l tiempu de les votaciones a 30 díes foi por esi motivu, que cuido -ye la mio opinión- que sigue siendo válida. Y una de la razones pa facer una votación ye precisamente pa marcar polítiques, onde tien que poder manifestase la mayor cantidá de wikipedistes, d'ehí prollongar el tiempu de votación. Pero bono, qu'opine más xente. Independientemente agora del tiempu, nun me paez apropiao diferenciar votaciones; toes, seya pa lo que seya, col mesmu tiempu de votación. Lo que sí me paez mui bona idea ye iguar la publicidá de les votaciones o de les polítiques, porque munches vegaes yo nun soi quien a alcontrar mesmo les polítiques actuales.--Limotecariu (¡Vamos parolar!) 18:46 2 ago 2018 (UTC)