Wikipedia alderique:Quincena a sestaferia

Revisión d'artículos destacaos

Puestos a meyorar la Uiquipedia, tuvi mirando los artículos destacaos y propongo quita-yos la estrella de destacaos a dalgunos que paez mentira vistos dende güei día qu'una vegada se-yos diera esi estatus. Toi falando de los artículos:

• Llingües indoeuropees: nun tien casi testu.
• Xuché: Tien la estrella y a la vez el cartelu de wikificar: o wikificamos l'artículu (un trabayu ideal pa la quincena) o quitámos-y la estrelluca.

Lo mesmo vienen faciendo los de la wikipedia inglesa dende cuantayá, degradando artículos que yá nun cumplen colos nuevos requisitos.

Sólo toi falando de quita-yos la plantía {{destacaos}}, dexándolos nel llistáu de Uiquipedia:Artículos destacaos pa saber qu'una vegada tuvieron na Portada. --Bar 15:56, 26 febreru 2008 (UTC)

Tamién amira pelos artículos que falen sobro países, que non tienen casi ná.Frankzalekz Grieska!16:03, 26 febreru 2008 (UTC)

Toi d'alcuerdu no que dices Bar, por min adelantre. Un saludu. --Vsuarezp 22:49, 26 febreru 2008 (UTC)

Allugamientu de la páxina

Préstame asgaya la páxina, ta perbién. Otra opción tamién podría ser enxertalo nel Portal de la comunidá, al estilu de la wiki catalana. Un saludu --Esbardu (alderiques) 17:07, 26 febreru 2008 (UTC)

Ta bien la idea lo que pasa que nun soi a atopar la páxina esa na uiqui catalana... --Vsuarezp 18:24, 26 febreru 2008 (UTC)

Referíame a esta páxina, na seición de la segunda columna, onde diz "Coordinació" y "Tasques pendents". Nun ye exautamente la mesma cosa, pero pue averase un poco a lo que se quier facer. En fin, yera solo una idea. --Esbardu (alderiques) 20:12, 26 febreru 2008 (UTC)

Nome

¿Paezvos bien la opción que se m'ocurrió pal nome?. Por si acasu dexo equí'l significáu esautu de la pallabra: sestaferia, la: sust. Trabayu a comuña [que se fai pa iguar un camín, una carretera, daqué vecinal]. 2 Día [cuando hai trabayu a comuña pa iguar un camín, una carretera, daqué vecinal]. 3 fam. Cuentu, bobada. Nun me vengas con sestaferies. || A sestaferia, a comuña nun trabayu [pa iguar caminos, daqué vecinal]. --Vsuarezp 18:42, 26 febreru 2008 (UTC)

Díes

Yo propongo entamar el día 1 del mes que vien (anque ta'l día de reflexón eleutoral pente medies y en teoria tendríemos que descansar xDD). --Vsuarezp 05:32, 27 febreru 2008 (UTC)

Val, les dos coses, la d'enrriba y esta.Frankzalekz Grieska!11:08, 27 febreru 2008 (UTC)

Peme que vamos tener que retrasalu, porque tovía nun tenemos un llogo pa representala y ponela en cuenta del de 10.000. --Vsuarezp 17:18, 28 febreru 2008 (UTC) Voi ponelu pa dientro 10 dies hasta qu'igüemos lo que nos falta... --Vsuarezp 16:58, 29 febreru 2008 (UTC)