Wilhelm Bendow
Wilhelm Bendow, de nome real Wilhelm Emil Boden (Einbeck, 29 de setiembre de 1884 - Einbeck, 29 de mayu de 1950) foi un actor y cómicu d'ésitu alemán, qu'en vida yera llamáu de forma cariñosa pol so públicu Onkel Wilhelm («tíu Guillermo») o Mann im Mond («l'Home na lluna»).
Wilhelm Bendow | |
|---|---|
 | |
| Vida | |
| Nacimientu | Einbeck, 29 de setiembre de 1884[1] |
| Nacionalidá |
 Alemaña |
| Muerte | Einbeck, 29 de mayu de 1950[1] (65 años) |
| Estudios | |
| Estudios |
Artland-Gymnasium (en)  |
| Llingües falaes | alemán |
| Oficiu | actor de teatru, actor de cine |
| IMDb | nm0070622 |
 | |
Wilhelm Bendow ye conocíu na actualidá principalmente pol sketch Auf der Rennbahn («Na pista de carreres»), qu'inda ye asonsañáu por munchos humoristes, cola bien citada llinia Wo laufen sie denn? («¿Y per ónde anden?»). Una grabación sonora del sketch foi completada en 1970 con dibuxos animaos por Loriot y asina consiguió popularidá de nuevu.
Actuó, ente otres películes, en Münchhausen. En total, actuó en casi 100 producciones, de cutiu tamién en pequeños papeles secundarios, como en Quax, der Bruchpilot. Bendow actuó n'incontables películes y obres de teatru, principalmente en papeles risibles y consiguió amás popularidá al traviés de monólogos y sketches humorísticos na radio y en discos de vinilu.
Bendow, que yera homosexual, tamién ye conocíu por una representación especialmente espectacular de Das lila Lied, el primer himnu gai, na que fizo decorar l'escenariu dafechu en violeta y vistía un esmoquin lila fechu a midida especialmente para a la ocasión. Bendow llevó l'humor y les crítiques al réxime nazi demasiáu lloñe y acabó nun campu de trabayu, anque sobrevivió a la esperiencia.
Foi soterráu nel Neustädter Friedhof de la so ciudá natal Einbeck.
Sketches (selección)
editar- Prosit Neujahr (1926; «Salú, Añu Nuevu») - con Paul Morgan
- Silvesterfeier (1930; «Fiesta de Nueche Vieya») - con Max Ehrlich
- Faust in der Garderobe (1930; «Fauso nel guardarropa») - con Paul Morgan
- Nur nicht unterkriegen lassen (1932; «El casu ye nun dexase fundir») - con Paul Morgan
- Auf der Rennbahn (1936; «Na pista de carreres») - con Franz-Otto Krüger
- Mies und Munter im Theater (1936; «Murniu y allegre nel teatru») - con Bruno Fritz
- Mies und Munter im Schlafwagen (1936; «Murniu y allegre nel coche-cama») - con Bruno Fritz
- In der Oper (19??; «Na ópera») - con Paul Morgan
Referencies
editar- ↑ 1,0 1,1 Afirmao en: Gemeinsame Normdatei. Identificador GND: 109066944. Data de consulta: 14 agostu 2015. Llingua de la obra o nome: alemán. Autor: Biblioteca Nacional d'Alemaña.
Enllaces esternos
editar- Wilhelm Bendow na Internet Movie Database (n'inglés)
Datos: Q104604
Multimedia: Wilhelm Bendow
