William S. Burroughs
William Seward Burroughs (5 de febreru de 1914, Saint Louis – 2 d'agostu de 1997, Lawrence) foi un novelista, ensayista y críticu social d'Estaos Xuníos d'América.
Burroughs nació nuna familia acomodada. So güelu foi l'inventor d'una máquina de sumar que sería l'orixe de la compañía Burroughs Adding Machines, empresa que tovía esiste anguaño, sol nome de Burroughs Corporation. Peracabó los sos estudios na Universidá de Harvard l'añu 1936. Dende bien pequeñu conoz los sos enclines homosexuales y la so pasión poles armes de fueu, que-y va acompañar tola vida. Depués d'un periodu terriblemente autodestructivu nos años cincuenta, onde va facer una incursión na lliteratura pulp (ye'l casu de Junkie), de magar los años sesenta va dedicase a escribir con continuidá.
Mató a la so muyer Jane d'un tiru na tiesta cuando trataba d'emular a Guillermu Tell y va fallar el disparu, dándo-y ente los güeyos.
La so obra tien una importante carga autobiográfica, onde queda reflexada la so adicción a delles sustancies, como la heroína. La esperimentación, el surrealismu y la sátira constitúin dalgunos de los elementos más destacaos de les sos noveles.
Les sos primeres publicaciones englóbense dientro de la Xeneración beat, grupu d'inteleutuales y artistes norteamericanos que van definir y dar forma a la cultura depués de la Segunda Guerra Mundial. Burroughs caltuvo importantes contautos con escritores como Allen Ginsberg, Gregory Corso, Jack Kerouac y Herbert Huncke. Pero la influyencia de la so lliteratura va trescender ampliamente esti movimientu y va dexase sentir posteriormente n'otres manifestaciones artístiques de tipu contracultural, incluyendo'l cine esperimental y ciertos tipos de música, como la industrial.
Nel añu 1984 ingresó na American Academy and Institute of Arts and Letters.
Bibliografía rescamplada
editar- And the Hippos Were Boiled in Their Tanks con Jack Kerouac (1945)
- Junkie (1953)
- Queer (1951-1953)
- Naked Lunch (1959)
- The Nova Trilogy (1961-1967):
- The Last Words of Dutch Schultz (1969)
- The Wild Boys: A Book Of The Dead (1971)
- Port of Saints (1973)
- The Red Night Trilogy (1981-1987)
- My Education: A Book of Dreams (1995)
Referencies
editar- ↑ ZKM person ID: william-s-burroughs. URL de la referencia: https://zkm.de/en/person/william-s-burroughs. Data de consulta: 30 xunu 2022.
- ↑ 2,0 2,1 Afirmao en: autoridaes BNF. Identificador BnF: 11894617w. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.
- ↑ Afirmao en: LIBRIS. Identificador de Libris: 42gjj9cn5kwl58q. Data d'espublización: 25 setiembre 2012. Data de consulta: 24 agostu 2018. Editorial: Biblioteca Nacional de Suecia.
- ↑ Identificador ULAN: 500053989. Afirmao en: Union List of Artist Names. Data d'espublización: 21 febreru 2023. Data de consulta: 14 mayu 2024. Llingua de la obra o nome: inglés.
- ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
- ↑ URL de la referencia: http://www03.zkm.de/burroughs/index.php/en/william-s-burroughs. Data de consulta: 3 febreru 2021.
- ↑ Chandarlapaty, R., «Woodard and Renewed Intelectual Possibilities», en Seeing the Beat Generation (Jefferson, NC: McFarland & Company, 2019), páxs. 142–146. Llingua de la obra o nome: inglés.
Enllaces esternos
editar
Wikimedia Commons acueye conteníu multimedia sobre William S. Burroughs.
Datos: Q188176- Multimedia: William S. Burroughs
Cites famoses: William Burroughs
