Wilmington (Delaware)
Wilimington ye la mayor y más poblada de les ciudaes del estáu d'Estaos Xuníos de Delaware. La ciudá llevántase nel llugar aú se fundara Fort Christina, el primer asentamientu suecu n'América del Norte, na confluencia de los ríos Christina y Brandywine, cerca'l llugar nel que'l Christina desagua nel ríu Delaware. La ciudá ye la sede alministrativa del condáu de New Castle, y una de les mayores del área metropolitana nomada Valle de Delaware. Recibió'l so nome del colonu propietariu Thomas Penn n'honor al so amigu Spencer Compton, Earl (títulu nobiliariu británicu equivalente al conde) de Wilmington, que fora primer ministru demientres el reináu de Xurde II de Gran Bretaña.
 Wilmington | |||
|---|---|---|---|
 | |||
| |||
| Alministración | |||
| País |  Estaos Xuníos | ||
| Estaos |  Delaware | ||
| Condáu | condáu de New Castle | ||
| Tipu d'entidá | ciudá de los Estaos Xuníos | ||
Mayor of Wilmington, Delaware (en)  | John C. Carney | ||
| Códigu postal |
19801-19810, 19850, 19880, 19884-19887, 19889-19899 | ||
| Xeografía | |||
| Coordenaes | 39°44′54″N 75°33′05″W / 39.7483°N 75.5514°O | ||
  Wilmington Wilmington (los EE.XX.)  | |||
| Superficie | 43.88125 km² | ||
| Altitú | 28 m | ||
| Llenda con | Greenville | ||
| Demografía | |||
| Población | 70 898 hab. (1r abril 2020) | ||
| Porcentaxe | 100% de condáu de New Castle | ||
| Densidá | 1615,68 hab/km² | ||
| Viviendes | 29 708 (31 avientu 2020) | ||
| Más información | |||
| Fundación | 1638 | ||
| Prefixu telefónicu |
302 | ||
| Llocalidaes hermaniaes |
| ||
| wilmingtonde.gov | |||
 | |||
Tien una población de 70 898 habitantes (1 abril 2020)[1][2]. Na so división metropolitana (una subdivisión del área estadística metropolitana del Valle de Delaware), qu'abarca los condaos de New Castle (Delaware), Cecil (Maryland) y Salem (Nueva Jersey), vivíen en 2016 719.887 habitantes en 2018.
La economía de la ciudá benefíciase de que seya la más poblada de Delaware, un estáu que favorez, con lleis fiscales ventaxoses, la instalación d'empreses, y que tien fama de antiguu de tener un sistema xudicial xustu ya efeutivu. Asina, la ciudá ye un centru financieru de nivel nacional pa la industria de les tarxetes de creitu, que se beneficien nella de les lleis aprobaes pol gobernador Pierre S. du Pont en 1981. Esti, al traviés de la Financial Center Development Act, eliminó les lleis escontra la usura vixentes na mayoría de los estaos, lo qu'eliminó'l límite superior de les tases d'interés que los bancos pueden cargar a los sos veceros. De resultes, Barclays Bank y el grupu ING, ente más otros, tienen centralizaes les sos actividaes venceyaes coles tarxetes de créitu a nivel nacional y bien d'otros bancos tienen na ciudá centros rellacionaos cola banca minorista.
Ver tamién
editar- Pa ver otros sitios col mesmu nome: Wilmington
Referencies
editar- ↑ «censu de los Estaos Xuníos de 2020». Consultáu'l 1r xineru 2022.
- ↑ censu de población
Enllaces esternos
editar
Wikimedia Commons acueye conteníu multimedia sobre Wilmington.
- Sitiu web oficial (n'inglés)
Wilmington (Delaware) n'OpenStreetMap.
Wilmington n'OpenWeatherMap- Páxina web del Wilmington Visitors Bureau
Datos: Q174224- Multimedia: Wilmington, Delaware
