Woolworth Building
El Woolworth Building ye un rascacielos asitiáu nel distritu de Manhattan, na ciudá estauxunidense de Nueva York. Diseñáu pol arquitectu Cass Gilbert, allúgase nel 233 de la cai Broadway, nel barriu de Tribeca. Foi, de magar la so inauguración en 1913 hasta 1930, l'edificiu más altu del mundu. El so altor, de 241 m (792 pies), fae que, un sieglu dempués de la so inauguración, seya entá ún de los 100 edificios más altos del país. L'edificiu ta arrodiáu pola cai Broadway y el parque del Ayuntamientu (City Hall Park) al este, la cai Park Place al norte y la cai Braclay al sur. Consiste nuna base, en forma de U, de 30 pisos d'altor, de la que naz una torre con otros 30 pisos más. La so fachada ta cubierta principalmente de terracota, con roca caliar nos pisos más baxos, y tien miles de ventanes. El so vestíbulu, perlluxosu, contién escultures que representen, ente más otros, al arquitectu y al dueñu l'edificiu, mosaicos de techu y otros detalles arquitectónicos. La estructura incluyía un observatoriu nel pisu 54, peslláu al públicu de magar 1945, y una piscina privada nel suétanu[1].
| Woolworth Building | |
|---|---|
 Llugar Históricu de los EE.XX. | |
| Rascacielos | |
 | |
.jpg) | |
| Llocalización | |
| País |  Estaos Xuníos |
| Estaos |  Nueva York |
| Ciudá |  Nueva York |
| Borough |  Manhattan |
Barrio (es)  | TriBeCa (es) |
| Direición | Broadway, 233 |
| Coordenaes | 40°42′45″N 74°00′30″W / 40.7124°N 74.00822°O |
  Woolworth Building Woolworth Building (los EE.XX.) | |
| Historia y usu | |
| Construcción | 1910 - 1913 |
| Inicio de manufactura o construcción (es) | payares 1910 |
| Abrimientu | 24 abril 1913 |
| Comisariu |
Franklin Winfield Woolworth (es) |
| Arquiteutura | |
| Arquiteutu/a | Cass Gilbert |
| Constructor |
Thompson-Starrett Co. (en) |
| Inxenieru d'estructures | Gunvald Aus |
| Estilu | Arquiteutura neogótica |
| Altor | 351 m |
| Pisos | 57 |
| Ascensores | 34 |
| Patrimoniu | |
| NRHP | 66000554 |
 | |
F.W. Woolworth, fundador d'una cadena d'almacenes de venta de productos a 5 y 10 centavos (y poro, conocíu como'l "five-and-dime Napoleon")[1], mandó construyilo p'asitiar nelli les oficines principales de la so compañia. Planeólu conxuntamente col Irving National Exchange Bank, que planeaba usar l'edificiu tamién como'l so cuartel xeneral. Magar que nel proyectu orixinal la idea yera facer un edificiu comercial de 12 a 16 plantes, esto camudó delles vegaes, y la so altura final nun foi decidida hasta xineru de 1911, dempués de que la construcción d'elli yá entamara. L'edificiu foi inauguráu oficialmente el 24 d'abril de 1913: esi día el presidente d'Estaos Xuníos, Woodrow Wilson, pulsó, nel Despachu Oval, l'interruptor que prendió les 80.000 bombilles del edificiu[1].
L'edificiu camudó d'aspectu y función delles veces a lo llargo la so hestoria. En 1932 llimpióse-y la fachada, y hebo una renovación xeneral del edificiu ente 1977 y 1981. El bancu Irving National Exchange camudó la so sede al edificiu del númberu 1 de Wall Street (1 Wall Street) en 1931, pero la compañía Woolworth siguió siendo la propietaria del edificiu hasta 1998, cuando lu vendió al Witkoff Group. Esti vendió en 2012 los 30 pisos superiores a un promotor inmobiliariu, que lo convirtió en pisos; el restu l'edificiu sigue siendo d'usu comercial ya d'oficines. L'edificiu ye un Fitu Históricu Nacional de magar 1966[2], y un Fitu Históricu de la ciudá de Nueva York de magar 1983[3].
Referencies editar
- ↑ 1,0 1,1 1,2 Stichweh D, Machirus J, Murphy S, NY Skyscrapers, p. 44-47. Prestel Vergal, New York, 2016.
- ↑ «Woolworth Building». National Historic Landmark summary listing. National Park Service (23 de setiembre de 2007). Consultáu'l 14 de xunu de 2023.
- ↑ New York City Landmarks Preservation Commission; Dolkart, Andrew S.; Postal, Matthew A. (2009). Postal, Matthew A. (ed.). Guide to New York City Landmarks (4th ed.). New York: John Wiley & Sons. p. 25. ISBN 978-0-470-28963-1.
Enllaces esternos editar
Wikimedia Commons acueye conteníu multimedia sobre Woolworth Building 
.
Datos: Q217652- Multimedia: Woolworth Building
