XY Leonis
XY Leonis (XY Lleo / HIP 49136 / BD+18 2307)[8] ye una estrella variable na constelación de Lleo. Visualmente a 1,5º de η Leonis, la so separación respeutu al Sistema Solar ye de 166 años lluz.
Coordenaes: 
10h 1m 40.415s, 17° 24′ 32.579″
XY Leonis ye un sistema estelar cuádruplu, constituyíu por dos estrelles binaries. La binaria principal ye una estrella binaria de contautu[9] —los dos componentes tópense tan próximes que lleguen a tocase o fundise, compartiendo la so capa esterior de gas—, compuesta por dos estrelles naranxes de tipu K que'l so periodu orbital ye de namái 0,2841 díes (6,818 hores). Reparóse una medría del periodu a lo llargo del tiempu, que'l so orixe puede esplicase pola tresferencia de masa ente dambes estrelles.[10] Les mases respeutives son de 0,76 y 0,46 mases solares. La lluminosidá de caúna de les componentes ta llixeramente percima del 20% de la lluminosidá solar;[10] la estrella de menor masa relluma con una mayor lluminosidá que la que cabría esperar pa una estrella de la secuencia principal.[11] El par constitúi una binaria eclipsante del tipu W Ursae Majoris, bazcuyando'l so rellumu ente magnitú aparente +9,45 y +9,93.[12]
La otra estrella binaria ta formada por dos nanes coloraes, envalorándose la so masa conxunto en 0,98 mases solares.[11] Ye una variable BY Draconis qu'amuesa una acusada actividá cromosférica. Completa una vuelta alredor de la binaria eclipsante cada 19,6 años, siendo la separación real ente dambes binaries de 9,6 ~ UA.[11]
Referencies editar
- ↑ 1,0 1,1 1,2 1,3 1,4 Afirmao en: SIMBAD.
- ↑ Afirmao en: Catálogo de Estrellas Dobles Washington.
- ↑ 3,0 3,1 3,2 3,3 Afirmao en: Gaia DR2. Llingua de la obra o nome: inglés. Data d'espublización: 25 abril 2018.
- ↑ Ulrich Bastian (2000). «Catálogo Tycho-2». Astronomy and Astrophysics: páxs. 27–30.
- ↑ Afirmao en: VizieR. Llingua de la obra o nome: inglés.
- ↑ «Kinematics of W Ursae Majoris type binaries and evidence of the two types of formation» (n'inglés). Monthly Notices of the Royal Astronomical Society (2): páxs. 497–517. febreru 2005. doi:.
- ↑ «A CCD photometric study of the contact binary star GSC 03526-01995» (n'inglés). The Astronomical Journal: páxs. 178. 2012. doi:.
- ↑ XY Leonis - Eclipsing binary of W UMa type (SIMBAD)
- ↑ Pribulla, T.; Kreiner, J. M.; Tremko, J. (2003). «Catalogue of the field contact binary stars». Contributions of the Astronomical Observatory Skalnaté Pleso 33 (1). páxs. 38-70 (Tabla consultada en CDS). http://cdsads.u-strasbg.fr/cgi-bin/nph-bib_query?2003CoSka..33...38P&db_key=AST&nosetcookie=1.
- ↑ 10,0 10,1 Szalai, T.; Kiss, L. L.; Mészáros, Sz.; Vinkó, J.; Csizmadia, Sz. (2007). «Physical parameters and multiplicity of five southern close eclipsing binaries». Astronomy and Astrophysics 465 (3). páxs. 943-952. http://cdsads.u-strasbg.fr/cgi-bin/nph-bib_query?2007A%26A...465..943S&db_key=AST&nosetcookie=1.
- ↑ 11,0 11,1 11,2 Yakut, K.; İbanoğlu, C.; Kalomeni, B.; Değirmenci, Ö. L. (2003). «New light curve analysis and period changes of the overcontact binary XY Leonis». Astronomy and Astrophysics 401. páxs. 1095-1100. http://cdsads.u-strasbg.fr/cgi-bin/nph-bib_query?2003A%26A...401.1095Y&db_key=AST&nosetcookie=1.
- ↑ XY Leonis (General Catalogue of Variable Stars)
Coordenaes: 10h 1m 40.415s, 17° 24′ 32.579″
Datos: Q6169016
