Xeografía de Nauru

Xeografía de Nauru
Coordenaes	0°31′52″S 166°56′24″E / 0.5311°S 166.94°E
	[editar datos en Wikidata]

Nauru ye una pequeña islla de fosfatu arrodiada d'un petón que queda espuestu cola marea baxa al oeste del Océanu Pacíficu, al sur de les Islles Márxal, La mayor parte de la población vive nun estrechu aniellu costeru. Una planicie central cubre aproximao'l 45% del territoriu y álzase 65 m sobre'l nivel del mar. Tien una pequeña llaguna al suroeste de la islla llamada llaguna de Buada.

Por cuenta de la so proximidá col ecuador el so clima ye templáu y húmedu, estendiéndose la estación de lluvies dende payares hasta febreru. La disponibilidad d'agua ye llindada, poro, los pobladores dependen del usu de tanques pa recoyer l'agua y de la desalinización.

Nauru yera una de trés grandes islles de fosfatu nel Océanu Pacíficu (les demás son Banaba en Kiribati y Makatea en Polinesia Francesa); sicasí, les reserves de fosfatu casi tán escosaes, dempués d'afarar el 80% de la islla, dexando un terrén maneru de pináculos de caliar dentaos d'hasta 15 m (49 pies.) d'altitú. La minería tamién tuvo un impautu sobre la vida marítima que se vio amenorgada nun 40%^[1]

Hai namái sesenta especies rexistraes de traqueófitas natives de la islla, nenguna de les cualos son reinales. L'actividá humana, tuvo series repercusiones sobre la vida local.^[2] Nun hai mamíferos propios na islla, pero si aves, como la Papuda de Caña de Nauru, amás d'inseutos y moluscos. Especies como l'Aguarón polinesica, gatos, perros, gochos y pollos fueron introducíos na islla.

Mediu ambiente

Hidrografía

Nel suroeste de la islla atópase la llaguna de Buada.

Clima y suelos

Puntes de coral sobre la sablera.

El clima de Nauru ye predominantemente tropical, con constantes agües y monzones ente los meses de payares y febreru. La falta d'agua potable y l'estensa actividá minera de fosfatos mientres 90 años, derivaron que los suelos centrales de la islla queden parcialmente inservibles pal cultivu y ganadería de delles especies, nel cantu de la islla cultívase: cocu, mangu y almendra.

Vexetación

La vexetación tropical ye frecuente sobre la costa y alredor de la llaguna Buada pero relativamente ausente nel centru de la islla en consecuencia de la esplotación minera.

Hai delles especies endémiques en Nauru que la so sobrevivencia ta comprometida pola destrucción del so hábitat per parte de la esplotación minera, la contaminación y pola introducción d'especies invasores (perros, gatos, pites, aguarón polinésica, etc.^[3]

El mediu ambiente marino (en particular el cintu de coral qu'arrodia la islla) foi degradáu poles actividaes venceyaes a la esplotación de fosfatu y a la urbanización.

Peligros naturales

Seques periódiques mientres l'añu

Referencies

↑ ^1,0 ^1,1 «Nauru First National Communication» (inglés) (ochobre de 1999). Consultáu'l 3 d'ochobre de 2019.
↑ Departamentu de Nauru del Desenvolvimientu Económico y Ambiental. 2003. Primer informe nacional al United Nations Convention to Combat Desertification (UNCCD) Archiváu 2011-07-22 en Wayback Machine URL Accessed 2006-05-03
↑ United Nations Environment Programme Islands Web Site - Nauru

[climate-1] 1,0 ^1,1 «Nauru First National Communication» (inglés) (ochobre de 1999). Consultáu'l 3 d'ochobre de 2019.

[UNCCD-2] Departamentu de Nauru del Desenvolvimientu Económico y Ambiental. 2003. Primer informe nacional al United Nations Convention to Combat Desertification (UNCCD) Archiváu 2011-07-22 en Wayback Machine URL Accessed 2006-05-03

[UNEP-3] United Nations Environment Programme Islands Web Site - Nauru

[1]

[2]

[3]