Xeografía de Santa Llucía

Santa Llucía ye una pequeña nación allugada al norte de les islles de Trinidá y Tobagu y San Vicente y les Granadines, al sur de la islla de la Martinica. El so territoriu toma una islla volcánica nel mar Caribe con 158 km de mariña. El so puntu más altu ye'l Monte Gimie que s'alza 950 metros sobre'l nivel del mar. La ciudá más grande ye la capital, Castries, onde mora más d'un terciu de la población. Otres ciudaes relativamente importantes son Soufriere, onde s'alluguen dellos manantiales y emanaciones sulfuroses del volcán Qualibou y Vieux Fort, onde s'alluga l'aeropuertu internacional. El clima ye tropical y la so temporada d'agua empecipia en mayu y termina el mes d'agostu. Los sos Montes Pitons (Gros Piton y Petit Piton) son unu de los símbolos de les islles del Caribe.

Xeografía de Santa Llucía
Coordenaes	13°53′N 60°58′W
[editar datos en Wikidata]

Coordenaes xeográfiques: Llatitú 13°53' N, Llargor 60°68' O.

Territoriu: 616 km² de los cualos 606 km² son tierra firme.

Agües: 200 MN de zona económica esclusiva, de les cualos 12 son mar territorial.

Clima: Tropical, moderáu por vientos del nordés. Temporada seca de xineru al mes d'abril, agües de mayu al mes d'agostu.

Orografía: Paisaxe volcánico y montascoso con dellos valles fértiles.

Mariña de Santa Llucía en direición a los montes Pitons.

Puntu más eleváu El Monte Gimie (950 metros sobre'l nivel del mar).

Recursos naturales: Montes, piedra pómez, manantiales d'agües minerales y potencial xeotérmico.

Cultivos: Rotación: 4,95%, Permanentes: 22,95%.

Amenaces naturales: Furacanes y actividá volcánica.

Problemes ambientales: erosión del suelu (particularmente nel norte de la islla).

Ver tamién

• Islles Caribes
• Mar Caribe

Enllaces esternos

• CIA World Factbook: Geography of Saint Lucia (n'inglés).
• Atles de la vexetación de Santa Llucía (n'inglés)
• Mapa de los petones de coral de Santa Llucía (n'inglés).

• Datos: Q580294
• Multimedia: Geography of Saint Lucia