Xuegos Panhelénicos

Xuegos Panhelénicos
Xeneral
Tipu de competición	actividá deportiva periódica

Xuegos Panhelénicos ye'l términu que recibe'l conxuntu de cuatro eventos distintos que yeren celebraos na antigua Grecia. Estos cuatro xuegos yeren:

Xuegos Olímpicos, de calter deportivu, celebraos n'Olimpia, n'honor a Zeus.
Xuegos Píticos, de caracter poéticu, celebraos en Delfos, n'honor a Apolo y les Muses.
Xuegos Nemeos, competencia de caballeru, celebraos n'Argos, n'honor a Hera.
Xuegos Ístmicos, competencia celebrada en Corintu, n'honor a Poseidón y les Oceánidas.

Los Xuegos yeren celebraos cada ciclu de cuatro años conocíu como Olimpiada, que yera una de les midíes de tiempu de l'antigua Grecia. Nesti ciclu, los primeros en celebrase yeren los Xuegos Olímpicos que s'efectuaben nel primer añu; mientres el segundu añu celebrábense los Xuegos Nemenos y los Xuegos Ístmicos (en meses distintos); mientres el tercer añu socedíen los Xuegos Píticos; y nel cuartu añu yeren nuevamente celebraos los Xuegos Nemeos y los Xuegos Ístmicos. Dempués el ciclu volvía repitise empezando nuevamente colos Xuegos Olímpicos. Asina, los Xuegos taben entamaos de forma que un atleta pudiera participar en toos ellos.

Los participantes podíen venir de tol mundiu griegu, incluyendo les colonies griegues que s'estendíen dende Anatolia fasta'l Mediterraneu occidental. Sicasí, los participantes probablemente teníen que ser bastante ricos pa poder pagar l'entrenamientu, el tresporte, l'agospiamientu y otros costos. Amás, nun se dexaba la participación a les muyeres nin a los non griegos sacante n'esceiciones bien ocasionales, como con Nerón.

Los principales acontecimientos de cada ún de los xuegos foron les carreres de carros, la llucha olímpica, el boxéu, el pancracio, el stadion al pie de otres carreres a cuerpu, y el pentatlón (compuestu pola llucha, el stadion, el saltu de llonxitú, el llanzamientu de xabalina y el llanzamientu de discu). Sacante les carreres de carros, nel restu d'acontecimientos los participantes diben desnudos.

Referencies

Enllaces esternos

Wikimedia Commons tien conteníu multimedia tocante a Xuegos Panhelénicos.