Xurásicu

El Xurásicu ye un periodu de la era Mesozoica que dura dende hai 205 millones d'años, fecha na que fina'l Triásicu, hasta los 144 millones d'años, onde entama'l Cretácicu.

Xurásicu
dómina xeolóxica y sistema (es)
Triásicu Xurásicu Cretácicu

Divídese en 3 dómines que son:

• Xurásicu Superior o Malm (159-144 m.a.)
• Xurásicu Mediu o Dogger (180-159 m.a.)
• Xurásicu Inferior o Lias (205-180 m.a.)

Esti periodu de tiempu ta carauterizáu por una teutónica distensiva que fai que'l nivel ecstáticu del mar seya peraltu, depositándose una bayurosa cantidá de materiales calcáreos, arcielles y corea nes inmenses cuenques marines formaes. El clima, en xeneral, yera más caldio qu'agora, nun esistiendo casquetes polares. La flora taba dominada por felechos, pinos y aucaries, produciéndose semientes y polen per primer vegada. No qu'a la fauna se refier, nos mares son indicativos d'esti tiempu los ammonites y los belemnites. Los reptiles tamién son mui abondantes tanto en mar (ictiosaurios y plesiosaurios) como en tierra (dinosaurios, eterosaurios). Los mamíferos yá formaben un grupu propiu dixebráu de los reptiles.

Enllaces esternos

• Wikimedia Commons acueye conteníu multimedia sobre Xurásicu.

• Datos: Q45805
• Multimedia: Jurassic