Wikipedia

Zeta Capricorni

Zeta Capricorni (ζ Cap / 34 Capricorni / HD 204075)[8] ye una estrella na constelación de Capricorniu de magnitú aparente +3,77. Tien el nome tradicional, anque pocu utilizáu, de Marakk, que provién del árabe «llombos» (de la cabra). En China recibía'l nome de Yen, unu de los antiguos estaos feudales d'esi país.[9] Alcuéntrase a 398 años lluz de distancia del Sistema Solar.

Ficha d'oxetu celesteZeta Capricorni
estrella doble (es) Traducir[1], near-IR source (en) Traducir[1] y UV-emission source (en) Traducir[1]
Datos d'observación
Ascensión reuta (α) 321,6667943971 °[2]
Declinación (δ) −22,411320345166 °[2]
Distancia a la Tierra 135,665 pc
Magnitú aparente (V) 3,74 (banda V)
Magnitú absoluta −1,59
Constelación Capricorniu
Velocidá de rotación 19 km/s[4]
Velocidá radial 2,1 km/s[5]
Parallax 7,3711 mas[2]
Gravedá superficial 30 cm/s²[6]
Tipu espectral G4Ib:Ba2[7]
Otros nomes
Cambiar los datos en Wikidata

Coordenaes: Sky map 21h 26m 40.031s, -22° 24′ 40.753″

Zeta Capricorni ta considerada un exemplu típicu d'estrella de bariu, una clase d'estrelles riques non yá nesti elementu químicu sinón tamién n'otros elementos pesaos. Nel casu de Zeta Capricorni, destaca la gran bayura del elementu praseodimiu, procedente del procesu-s. Nesti tipu d'estrelles, la bayura nestos elementos débese a la contaminación» por otra estrella —una nana blanca— que nun suel ser visible.[10]

Ello ye que Zeta Capricorni ye una estrella binaria, que la so componente principal (ζ Capricorni A) ye una superxigante mariella de tipu espectral G4, 490 vegaes más lluminosa que'l Sol y con un diámetru de 29 diámetros solares. Tien una temperatura superficial de 5050 K y, con una masa averada de 4 mases solares, la so edá envalorada ye inferior a 200 millones d'años. El so espectru amuesa que efeutivamente esiste una compañera (ζ Capricorni B) que ye invisible. Piénsase que ye una nana blanca con un periodu orbital de 6,5 años dixebrada una distancia de 6 UA al respective de la estrella principal.[10] Ye la responsable de los altos conteníos n'elementos pesaos de Zeta Capricorni A. Una segunda compañera de magnitú 12, visualmente a 22 segundos d'arcu, nun ta físicamente rellacionada con Zeta Capricorni; curiosamente ye tamién una nana blanca de tipu DA.[11]

Referencies

editar
  1. ↑ 1,0 1,1 1,2 Afirmao en: SIMBAD.
  2. ↑ 2,0 2,1 2,2 2,3 Afirmao en: Gaia EDR3. Stated in source according to: SIMBAD. Llingua de la obra o nome: inglés. Data d'espublización: 3 avientu 2020.
  3. ↑ Afirmao en: Catalogue of Stellar Photometry in Johnson's 11-color system. Stated in source according to: SIMBAD. Llingua de la obra o nome: inglés. Data d'espublización: 2002.
  4. ↑ Afirmao en: Catalogue of rotational velocities of the stars. Stated in source according to: SIMBAD. Llingua de la obra o nome: inglés. Data d'espublización: xunu 1970.
  5. ↑ Dimitri Pourbaix (setiembre 2004). «SB9: The ninth catalogue of spectroscopic binary orbits» (n'inglés). Astronomy and Astrophysics (2):  páxs. 727–732. doi:10.1051/0004-6361:20041213. 
  6. ↑ Fernando Roig (12 abril 2016). «Chemical abundances and kinematics of barium stars» (n'inglés). Monthly Notices of the Royal Astronomical Society (4):  páxs. 4299–4324. doi:10.1093/MNRAS/STW815. 
  7. ↑ «The Perkins catalog of revised MK types for the cooler stars» (n'inglés). The Astrophysical Journal Supplement Series:  páxs. 245–266. ochobre 1989. doi:10.1086/191373. 
  8. ↑ Zeta Capricorni (SIMBAD)
  9. ↑ Allen, Richard Hinckley (1889). «Capricorniu», Courier Dover Publications: Star Names — Their Lore and Meaning (n'inglés), páx. 563. ISBN 0-486-21079-0. Consultáu'l 10 de setiembre de 2010.
  10. ↑ 10,0 10,1 Zeta Capricorni (Stars, Jim Kaler)
  11. ↑ CD-22 15388B (SIMBAD)

Coordenaes:   21h 26m 40.031s, -22° 24′ 40.753″

Sacáu de «https://ast.wikipedia.org/w/index.php?title=Zeta_Capricorni&oldid=4175032»