Wikipedia

Zeta Delphini

Zeta Delphini (ζ Del / 4 Delphini / HD 196180 / HR 7871)[4] ye una estrella na constelación del Delfín. De magnitú aparente +4,66, ye la sesta más brillosa dientro de la so constelación.

Ficha d'oxetu celesteZeta Delphini
estrella binaria[1]
Datos d'observación
Ascensión reuta (α) 308,827208 °[2]
Declinación (δ) 14,674194 °[2]
Constelación Delphinus (es) Traducir[3]
Radiu 3,61 Radius solars
Otros nomes
Cambiar los datos en Wikidata

Coordenaes: Sky map 20h 35m 18.53s, 14° 40′ 27.098″

Zeta Delphini ye una estrella blanca de la secuencia principal de tipu espectral A3V[4] y 8336 K de temperatura superficial.[5] Munches de les estrelles brilloses del cielu nocherniegu son estrelles asemeyaes, siendo Siriu (α Canis Majoris) y Vega (α Lyrae) probablemente les más conocíes. Zeta Delphini, con una lluminosidá 65 vegaes mayor que la lluminosidá solar, ye intrínsecamente más lluminosa que cualesquier d'elles; namái'l so mayor alloña al respective de nós, 227 años lluz, fai que'l so rellumu aparente sía menor. Les sos carauterístiques físiques son más asemeyaes a les de Chertan (θ Leonis) o Skat (δ Aquarii), pero a diferencia de la primera, tien una alta velocidá de rotación de siquier 96 km/s[6] —113 km/s según otru estudiu—,[5] unes 50 vegaes más rápida que la del Sol. Tien una masa 2,5 vegaes mayor que la del Sol y consumió el 91% de la so vida como estrella de la secuencia principal.[7]

La bayura de los distintos elementos químicos en Zeta Delphini presenta ciertes diferencies respeutu al Sol. Magar el so conteníu relativo de fierro ye práuticamente igual al del Sol ([Fe/H] = -0,05), el nivel de sodiu ye 3,6 vegaes más altu que na nuesa estrella. Nel otru estremu, ye deficiente n'elementos como bariu y estronciu; esti últimu metal ye cuatro veces más escasu que nel Sol.[5]

Referencies

editar
  1. ↑ Afirmao en: SIMBAD.
  2. ↑ 2,0 2,1 «The 2001 US Naval Observatory Double Star CD-ROM. I. The Washington Double Star Catalog» (n'inglés). The Astronomical Journal (6):  páxs. 3466–3471. avientu 2001. doi:10.1086/323920. 
  3. ↑ Afirmao en: VizieR. Llingua de la obra o nome: inglés.
  4. ↑ 4,0 4,1 Zeta Delphini (SIMBAD)
  5. ↑ 5,0 5,1 5,2 Erspamer, D.; North, P. (2003). «Automated spectroscopic abundances of A and F-type stars using echelle spectrographs. II. Abundances of 140 A-F stars from ELODIE». Astronomy and Astrophysics 398. páxs. 1121-1135 (Tabla consultada en CDS). http://cdsads.u-strasbg.fr/cgi-bin/nph-bib_query?2003A%26A...398.1121Y&db_key=AST&nosetcookie=1. 
  6. ↑ Royer, F.; Zorec, J.; Gómez, A. E. (2007). «Rotational velocities of A-type stars. III. Velocity distributions». Astronomy and Astrophysics 463 (2). páxs. 671-682. http://cdsads.u-strasbg.fr/cgi-bin/nph-bib_query?2007A%26A...463..671R&db_key=AST&nosetcookie=1. 
  7. ↑ Zorec, J.; Royer, F. (2012). «Rotational velocities of A-type stars. IV. Evolution of rotational velocities». Astronomy and Astrophysics 537. A120. http://adsabs.harvard.edu/cgi-bin/nph-bib_query?2012A%26A...537A.120Z&db_key=AST. 

Coordenaes:   20h 35m 18.53s, 14° 40′ 27.098″

Sacáu de «https://ast.wikipedia.org/w/index.php?title=Zeta_Delphini&oldid=3824386»