Zoothera wardii

Zoothera wardii;
Estáu de caltenimientu
	; Esmolición menor (IUCN)
Clasificación científica
Reinu:	Animalia
Filu:	Chordata
Clas:	Aves
Orde:	Passeriformes
Familia:	Turdidae
Xéneru:	Zoothera
Especie:	Z. wardii ; (Blyth, 1842)
Consultes
	[editar datos en Wikidata]

Les especies d'aves con nome común en llingua asturiana márquense como ^NOA. En casu contrariu, conséñase'l nome científicu.

El Zoothera wardii^[2], ye una especie d'ave paseriforme de la famila Turdidae. Cría nos Himalayas. Ye una ave migratoria, qu'envierna principalmente en Sri Lanka y en menor númberu nel sur de la India.

Esta especie pocu común reproduzse n'altitúes de 1500 a 2500 m sobre'l nivel del mar nos montes trupos del Himalaya. Les árees de invernación son similares pero inclúin árees menos densamente montiegues, y tán asitiaes ente 750 y 1500 metros d'altitú. El malvís de Ward, como munchos malvises dientro del xéneru Zoothera, pue ser bien calláu, pasando desapercibíu, especialmente cuando cría.

Quiciabes el meyor llugar pa ver esta difícil especie ye'l Parque Victoria en Nuwara Eliya, Sri Lanka, onde s'axunta un númberu d'aves cerca del regueru na mañana.

Los malvises de Ward son omnívoros, pero comen más inseutos que frutes. Aliméntase nel suelu y son xeneralmente solitarios, anque pel iviernu formen bandaes pocu xuníes.

Miden unos 22 cm de llargu. Los machos son aves elegantes, con negru nel envés, una ceya blanca llarga y nes cobertoras y terciaries de les ales y na rabadilla y la cola les plumes tienen les puntes blanques. Les partes de baxo son blanques colos lladrales con manches negres. El picu y les piernes son mariellos.

El cantar paezse al trino d'un bulbul. Les femes y los mozos tienen los mesmos patrones básicos, pero'l negru ye remplazáu por castañal escura, y el blancu por castañal clara. Les parte inferiores son más escamoses.

Los pulcros niales de copa son recubiertos con yerba, allugaos en forquetes de cañes d'árboles. Ponen 3-4 güevos blancos o azulosos.

El nome específicu foi escoyíu n'honor a S. N. Ward (1813-1897), un alministrador colonial británicu na India dende 1832 a 1863.

Referencies

↑ BirdLife International (2009). Zoothera wardii. En: UICN 2009. Llista Roxa d'Especies Amenazaes UICN. Consultáu'l 14 de setiembre de 2010.
↑ De Juana, E.; Del Hoyo, J.; Fernández-Cruz, M.; Ferrer, X.; Sáez-Royuela, R. y Sargatal, J. (2005). «Nomes en castellán de les aves del mundu encamentaos pola Sociedá Española d'Ornitoloxía (Décima parte:Orde Passeriformes, families Campephagidae a Turdidae)))». Ardeola 52 (2): páxs. 389-398. http://www.ardeola.org/files/Ardeola_52%282%29_389-398.pdf. Consultáu'l 14 de setiembre de 2010.

Bibliografía

Birds of India por Grimmett, Inskipp y Inskipp, ISBN 0-691-04910-6
Thrushes por Clement y Hathaway, ISBN 0-7136-3940-7

Enllaces esternos

avibase.bsc-eoc.org/ Zoothera wardii, (n'inglés)

[iucn-1] BirdLife International (2009). Zoothera wardii. En: UICN 2009. Llista Roxa d'Especies Amenazaes UICN. Consultáu'l 14 de setiembre de 2010.

[2] De Juana, E.; Del Hoyo, J.; Fernández-Cruz, M.; Ferrer, X.; Sáez-Royuela, R. y Sargatal, J. (2005). «Nomes en castellán de les aves del mundu encamentaos pola Sociedá Española d'Ornitoloxía (Décima parte:Orde Passeriformes, families Campephagidae a Turdidae)))». Ardeola 52 (2): páxs. 389-398. http://www.ardeola.org/files/Ardeola_52%282%29_389-398.pdf. Consultáu'l 14 de setiembre de 2010.

[1]

[2]

Zoothera wardii

Estáu de caltenimientu
Esmolición menor (IUCN)^[1]
Clasificación científica
Reinu:	Animalia
Filu:	Chordata
Clas:	Aves
Orde:	Passeriformes
Familia:	Turdidae
Xéneru:	Zoothera
Especie:	Z. wardii (Blyth, 1842)
Consultes
[editar datos en Wikidata]