Ángeles Villarta Tuñón

escritora y periodista asturiana (1913–2018)

Ángeles Villarta Tuñón (6 d'avientu de 1913Miranda – 7 de payares de 2018Madrid) foi una escritora y periodista asturiana.

Ángeles Villarta Tuñón
Vida
Nacimientu Miranda6 d'avientu de 1913
Nacionalidá España
Llingua materna castellanu
Muerte Madrid7 de payares de 2018 (104 años)
Estudios
Llingües falaes alemán
francés
Oficiu escritora, periodistaescritora de lliteratura infantil
Emplegadores Auxilio Social (es) Traducir
ABC
Ya
Madrid
La Nueva España
Radio Nacional de España
Cambiar los datos en Wikidata

Biografía editar

Fía de Pedro Villarta Encinas, médicu, natural d'Alameda de la Sagra (Toledo) y de María Tuñón García-Ramírez, oriunda de Miranda, onde se conocieron y casaron. Foi la mayor de cinco hermanos: Maruja, Miguel y les ximielgues Pilar y Carmen.[1] A los tres años, la familia treslladóse a Llastres.[2][3]

A los once años, los sos padres univáronla xunto cola so hermana Maruja a un internáu de monxes en Friburgu, onde aprendió alemán, francés y daqué d'italianu. Ellí tuvo estudiando hasta 1936. De regresu a España, ya españada la guerra civil, trabayó na seición de Prensa y Propaganda del Auxilio Social, organismu creáu por Franco p'atender a neños afeutaos pola guerra civil. Compatibilizó'l so llabor periodísticu pal Auxilio Social, onde aportó a xefa de prensa, cola lliteratura y el llabor editorial.[4] Consiguió los títulos de profesora mercantil y de profesora de Francés.[5]

Actividá periodística pionera editar

Considérase una muyer pionera pola so actividá periodística, pol so trabayu nes cais, yá fuera baxando a les galeríes de la mina en Mieres o percorriendo Israel o'l Polu Norte. Como periodista nun se detenía énte nada, y lo mesmo recoyía basura na nueche madrilana o s'internaba voluntariamente nun manicomiu pa conocer aquellos llugares enantes d'escribir sobre ellos. Considérase la fundadora n'España d'un periodismu de primer llinia con calidá lliteraria.[6]

Nes décades de los años cuarenta y cincuenta, tuvo una seición fixa nel selmanariu Domingo y foi collaboradora fixa del diariu Madrid y por temporaes collaboró nos diarios madrilanos ABC y Ya, onde realizó tou tipu d'artículos: entrevistes, cróniques de moda y gastronómiques, reportaxes, reseñes lliteraries... Tamién editó la coleición de posguerra La Novela Corta, onde collaboraron destacaos autores como: Pío Baroja, Alberto Insúa, Wenceslao Fernández Flórez, Enrique Jardiel Poncela o José María Pemán.[4] En 1952 fundó'l selmanariu humorísticu Don Venerando.[7]

Anque fixo incursiones nel campu poéticu y nel de la lliteratura infantil cola publicación de dellos poemarios y cuentos infantiles, finalmente decidióse pola actividá periodística, na qu'escribe en casi tolos xéneros y materies. Trabayó dos años nel diariu asturianu La Nueva España, onde tenía sección propia "El mundo es grande y terrible". Y tamién publicó dellos artículos nes axencies de noticies Pyresa, Cifra, EFE, Logos.[7] Collaboró nun programa de Radio Nacional de España pa Hispanoamérica.

Donó al Conceyu de Colunga la Casa de las Villarta y otres propiedaes, compartiendo'l so heriedu tamién col conceyu de Miranda.[8]

Noveles editar

  • 1942: Un pleno de amor. Barcelona: Hymsa (Coleición “Para ti”; 8).
  • 1944: Muchachas que trabajan. Madrid: Espasa-Calpe.
  • 1950: Yo he sido estraperlista. Madrid: Gráfica Clemares («La Novela Corta»; 18).
  • 1950: Con derecho a cocina. Madrid: Gráfica Clemares («La Novela Corta»; 57).
  • 1954: Una mujer fea. Madrid: Colenda. Premiu Fémina 1953.
  • 1957: Asturias, cumbre, valle, mar.
  • 1992: Andrés y tres mujeres (novela por fasciculos), n'El Comercio. 8-VII-1992 a 28-IX-1992.

Premios editar

  • Premiu Fémina por su novela Una mujer fea (1953). La novela convirtióse en folletín radiofónicu.[1]
  • Premiu Goyanza de la Casa de León, por In septima legion
  • Premiu Cordimariano de Poesía, por Católica (1955)

Referencies editar

  1. 1,0 1,1 Labrador Ben, Julia María (xunetu-agostu de 2006). «Una mujer fea de Ángeles Villarta, Premio Fémina 1953». Arbor: Ciencia, Pensamiento y Cultura. http://arbor.revistas.csic.es/index.php/arbor/article/download/45/45. Consultáu'l 8 de payares de 2018. 
  2. «Doña Ángeles Villarta Tuñon. Notas de interés». Cangues d'Onís: El Búscolu (15 de setiembre de 2013). Consultáu'l 14 de xunetu de 2020.
  3. Biblioteca Publica Municipal de Colunga (ed.): «Ángeles Villarta Tuñón» (14 d'avientu de 2014). Consultáu'l 14 de xunetu de 2020.
  4. 4,0 4,1 Sánchez, Valle (6 d'avientu de 2013). Ángeles Villarta Tuñón: Un siglo de vida y periodismo. Madrid. https://www.abc.es/toledo/ciudad/20131204/abci-centenaria-toledo-201312042054.html. Consultáu'l 8 de payares de 2018. 
  5. Pérez García, Mª del Pilar Amparo (Pituca) (11 de febreru de 2014). Auxilio Social: Entrevista a Ángeles Villarta. Madrid. https://fnff.es/actualidad/429729911/auxilio-social-entrevista-a-angeles-villarta.html. Consultáu'l 8 de payares de 2018. 
  6. Gracia Noriega, Ignacio (25 de setiembre de 2015). La casa de Ángeles Villarta. Oviedo. https://www.lne.es/oviedo/2015/09/26/casa-angeles-villarta/1818390.html. Consultáu'l 8 de payares de 2018. 
  7. 7,0 7,1 Fallece con 105 años la pionera asturiana del periodismo Ángeles Villarta. Oviedo. 8 de payares de 2018. https://www.lne.es/sociedad/2018/11/08/fallece-105-anos-pionera-asturiana/2376751.html. Consultáu'l 8 de payares de 2018. 
  8. Redacción (8 de payares de 2018). Fallece la escritora y periodista belmontina Ángeles Villarta. Grau. http://lavozdeltrubia.es/2018/11/08/fallece-la-escritora-y-periodista-belmontina-angeles-villarta/. Consultáu'l 8 de payares de 2018. 

Enllaces esternos editar