Ḥélsinki

Ḥélsinki
	escudo de Helsinki (es)
Alministración
País	Finlandia
Axencia alministrativa	Southern Finland Regional State Administrative Agency (en)
Rexones	Uusimaa
Tipu d'entidá	conceyu de Finlandia
Mayor of Helsinki (en)	Juhana Vartiainen
Nome oficial	Helsingin kaupunki (fi); Helsingfors stad (sv)
Nome llocal	Helsinki (fi); Helsingfors (sv)
Códigu postal	00100–00990
Xeografía
Coordenaes	60°10′15″N 24°56′15″E / 60.1708°N 24.9375°E
	Ḥélsinki Ḥélsinki (Finlandia)
Superficie	214.42 km²
Altitú	17 m
Llenda con	Espoo, Vantaa y Sipoo
Demografía
Población	675 747 hab. (29 febreru 2024)
Porcentaxe	39.64% de Uusimaa
Densidá	3151,51 hab/km²
Más información
Fundación	12 xunu 1550
Prefixu telefónicu	09
Estaya horaria	UTC+02:00 (horariu estándar); Hora d'Europa Oriental (horariu estándar); Horariu de Branu d'Europa Oriental (horariu de branu); UTC+03:00 (horariu de branu)
Llocalidaes hermaniaes	Praga, Nuuk, Sofía, Oslu, Copenḥague, Estocolmu, Reikiavik, Kiev, Tórsḥavn, Beixín, Tallín, Berlín, Guadalajara, Eindhoven y San Petersburgu
	hel.fi

Ḥélsinki^[1] o Helsinki (en finlandés Helsinki /ˈhe̞l.siŋ.k̟i/, en suecu Helsingfors y en lapón Helsset) ye la capital y la ciudá más grande de Finlandia. Ta asitiada na mariña sur del país, a la vera del Golfu de Finlandia. Helsinki ensama parte de la provincia de Finlandia Meridional y de la rexón d'Uusimaa, de la que ye la capital. Les sos coordenaes son 60° 10' N, 24° 56' E. Ta a 50 km al norte de Tallín (Estonia), 400 km al este d'Estocolmu (Suecia) y 390 km al oeste de San Petersburgu (Rusia), trés ciudaes coles que Ḥélsinki tien fuertes vínculos históricos.

La ciudá tien una población de 642.045, con 1.231.595 habitantes nel so área urbana o taajama, definida en Finlandia como un área habitada de al menos 200 persones y con una distancia ente edificios menor de 200 m. El so área metropolitana, la más septentrional del mundu con más d'un millón d'habitantes, conformenla la propia Ḥélsinki, Espoo, Vantaa y Kauniainen, xunto colos sos arrabales, axunta a más de 1,4 millones d'habitantes, que faen d'ella la tercera mayor, tres d'Estocolmu y Oslu, d'Escandinavia.

Ḥélsinki ye'l centru políticu, educativu, financieru, cultural y d'investigación más importante de Finlandia. Foi Capital Mundial del Diseñu en 2012, y sede de los Xuegos Olímpicos de 1952. La ciudá tien ún de los estándares de vida más altos del mundu, y ocupa regularmente los primeros puestos nos ránkings de ciudaes con meyor calidá de vida.

Referencies

↑ (2010) Cartafueyos Normativos. Nomes de los países del mundu y de les sos capitales y xentilicios. Uviéu: Academia de la Llingua Asturiana. ISBN 978-84-8168-500-8.

Enllaces esternos

[Cartafueyu_países-1] (2010) Cartafueyos Normativos. Nomes de los países del mundu y de les sos capitales y xentilicios. Uviéu: Academia de la Llingua Asturiana. ISBN 978-84-8168-500-8.

[1]