ABBA
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
ABBA foi un grupu suecu de Música pop, formáu por Benny Andersson, Anni-Frid «Frida» Lyngstad, Björn Ulvaeus y Agnetha Fältskog. El nome «ABBA» ye un acrónimu formáu poles primeres lletres del nome de cada miembru (Agnetha, Björn, Benny, Anni-Frid).
| ABBA | ||
|---|---|---|
 | ||
| Datos xenerales | ||
| Orixe | Estocolmu, Suecia | |
| Información artística | ||
| Xéneru(os) | Pop, Dance pop, Disco | |
| Periodu d'actividá | 1972-1982 | |
| Sellu discográficu | Polydor, Polar Music | |
| Miembros | ||
|
Anni-Frid Lyngstad Benny Andersson Björn Ulvaeus Agnetha Fältskog | ||
| Enllaces esternos | ||
| Sitiu web oficial | https://abbasite.com | |
| Discogs | 69866 y 679507 | |
| ABBA, letstalkaboutabba, abbathemuseum y abbaomnibus | ||
| ABBA, abbaomnibus, abbatalk y abbathemuseum | ||
| IMDb | nm1755868 | |
| [editar datos en Wikidata] | ||
El cuartetu formóse n'Estocolmu en 1972, pero'l so accesu a la fama asocedió dempués de trunfar nel Festival d'Eurovisión 1974. De magar, ABBA ganó popularidá internacional emplegando melodíes pegadices, lletres simples y el so soníu propiu, carauterizáu poles harmoníes de les voces femenines y el "wall of sound", un efeutu musical creáu pol productor Phil Spector.
Björn y Agnetha contraxeron matrimonio meses enantes de la formación del cuartetu, ente que Benny y Frida fixeron lo propio en 1978; los cuatro treparon coles sos obligaciones artístiques coles mesmes que s'ocupaben de les sos nueves families. Les sos grabaciones tuvieron un impautu comercial que los llevó a convertise nos artistes más esitosos de la so compañía discográfica, Polydor, y a ser el grupu con más ventes nos años 1970.
ABBA foi'l primer grupu Pop européu continental n'esperimentar l'ésitu en países de fala inglesa fuera d'Europa, principalmente Australia, Nueva Zelanda, Sudáfrica, Canadá y en menor midida Estaos Xuníos. Sicasí, nel visu de la so popularidá, dambos matrimonios eslleiéronse y estos cambeos refléxense na so música, al escribir lletres más fondes con un estilu musical distintu. El grupu esperimentó un gradual descensu comercial y finalmente los cuatro decidieron dixebrase. El cuartetu realizó la so última apaición como ABBA n'avientu de 1982, anque los cuatro apaecieron xuntos en 2008.
Discografía
editar- 1973: Ring Ring
- 1974: Waterloo
- 1975: ABBA
- 1976: Arrival
- 1977: The Album
- 1979: Voulez-Vous
- 1980: Gracias por la música
- 1980: Super Trouper
- 1981: The Visitors
- 1986: ABBA Live
- 2021: Voyage
Referencies
editar- Bio en Rollingstone.com Archiváu 2011-05-30 en Wayback Machine
- Discografía d'ABBA
