aMule
aMule ye un programa d'intercambéu P2P llibre y multiplataforma, asemeyáu al afamáu eMule que funciona tanto cola rede eDonkey como con Kademlia.
 | |
 aMule 2.2.3 n'asturianu n'Ubuntu 8.10 | |
| Versión inicial | 2003 |
|---|---|
| Última versión | 2.3.3 (versión estable, 7 febreru 2021) |
| Escritu en | C++ |
| Sistema operativu | GNU/Linux, BSD y MacOS |
| Tipu |
software peer-to-peer (es)  , software llibre, bifurcación (es) , software de códigu abiertu y software col códigu fonte disponible |
| Llicencia |
GNU General Public License, versión 2.0 o posterior (es) y GPLv2 (es) |
| N'asturianu |
 Sí |
| Más información | |
| Sitiu web | Web oficial |
| Códigu fonte | Códigu fonte |
 | |
Deriva del códigu fonte de xMule, qu'al empar remanez del proyeutu lMule, el primer intentu de portar el cliente eMule a Linux. Lo mesmo qu'eMule, aMule distribúise y asoléyase con una llicencia GNU.
L'oxetivu de aMule ye ser un "eMule multiplataforma", funcionando anguaño nos sistemas operativos Linux, FreeBSD, OpenBSD, NetBSD, Solaris, Mac OS X y Windows, y nes arquiteutures x86, AMD64, UltraSPARC, PowerPC, Macintosh (G4, G5,...), Xbox y NSLU2.
Esisten dos versiones d'aMule, la versión estable, y la versión de desendolcu (SVN), que s'asoleya a diario colos caberos avances. La versión en llingua asturiana 2.2.3 ta anguaño completada, y tamién la versión en desendolcu 2.3.0, de la mano de la comunidá de traductores de Softastur.
Arquiteutura modular
editarA diferencia de eMule, aMule soporta metalinks (enllaces magnéticos; dende la versión 2.2.0) y pue ser compiláu como un únicu programa monolíticu o como un "daemon", lo que dexa la so execución en segundu planu, ensin interfaz gráfico y con un menor consumu de recursos. Pa comunicarse col programa esisten tres interfaces diferentes:
- aMuleCMD: cliente de llinia de comandos.
- aMuleGUI: cliente d'interfaz gráfico. Anguaño en desendolcu, polo que-y falten munches de les opciones de la versión monolítica, arriendes de nun ser estable.
- aMuleWEB: webserver que dexa el remane per aciu d'un navegador web.
Arriendes, esiste tou un protocolu de comunicación Archiváu 2008-05-09 en Wayback Machine criáu pa poder desendolcar aplicaciones que se comuniquen bidireicionalmente col núcleu del programa.
Ver tamién
editar
Referencies
editar- ↑ «Release 2.3.3» (7 febreru 2021). Consultáu'l 9 marzu 2021.
Enllaces esternos
editar- Páxina oficial (n'inglés)
- aMule Wiki Archiváu 2008-05-14 en Wayback Machine Wiki d'aida n'español del proyeutu aMule
