Abrir el menú principal

Softastur

asociación pa fomentar l'usu del asturianu nes nueves teunoloxíes


Softastur ye una asociación ensin ánimu de llucru que tien por oxetivu fomentar l'usu y facer presente la llingua asturiana nes nueves teunoloxíes, concretamente nel Software llibre.

Softastur
Dalgunos miembros de softastur
Tipu Software llibre n'asturianu
Fundación 6 de xunu de 2003
Sede Flag of Asturias (indoor).svg Asturies
Miembros 15+
Sitiu web www.softastur.org

L'asociación ta formada por programadores informáticos, filólogos, diseñadores y profesores en llingua asturiana. El compromisu principal ye la traducción y desarrollu de software llibre n'asturianu. Ente los proyeutos de Softastur a solliñar, tán el sistema operativu Ubuntu, el caltenimientu del restolador Firefox en Llingua Asturiana, y el proyeutu MediaWiki, nel que se sofita por exemplu, esta wikipedia. Softastur tamién ufre soporte y documentación de baldre a los usuarios de Software llibre.

Nel añu 2008, Softastur recibió'l premiu Andrés Solar[1], qu'entrega la Xunta Pola Defensa de la Llingua Asturiana, pol so trabayu d'inclusión del Asturianu nes nueves teunoloxíes, y sobremanera n'Ubuntu, el primer sistema operativu en llingua asturiana.

Índiz

AntecendentesEditar

El 5 de xunu de 2002 anunciábase "Mozilla 1.0: el primer restolador n'asturianu", y nun yera sólo el primer restolador sinon tamién el primer software llibre tornáu al asturianu. Daquella l'asturianu entá nun tenía códigu ISO 639. La obtención d'un códigu pa una llingua ye fundamental, darréu que ye la base pa poder dar soporte a la llingua en cualesquier proyeutu, polo que ficiéronse entós los trámites p'algamar esi códigu. Anguaño, el códigu pa la llingua asturiana ye: ast.

HistoriaEditar

Pero la idea de entamar una comunidá pa la torna de software llibre a llingua asturiana, nun xurde hasta l'añu siguiente (2003), nesi añu proponse l'entamu d'un proyeutu común que coordinase y diere soporte a la torna de cualesquier software llibre al asturianu y evitar el duplicar esfuercios.

Dempués de pasar por dellos servidores gratuitos, y milenta cayíes de la páxina y llistes del proyeutu, algamóse un sirvidor priváu p'agospiar la web y abellugu na comunidá SourceForge.net pa ficheros y llistes de corréu. Nel añu 2007 la Comunidá empecipia a xorrecer y les aportaciones son bultables, créase la wiki collaborativa centrando la mayor parte de los esfuercios nel sistema operativu Ubuntu. Nel añu 2009 Softastur da un pasu más y constitúise dafechu como Asociación. Nel añu 2010, un miembru de Canonical Ltd. califica la versión Lucid Lynx en llingua asturiana como «completa»[2]

Dende entós munchos coordinadores de los principales proyeutos de software llibre, entamen a collaborar cola Asociación y preba d'ello ye el númberu[3] d'aplicaciones asoleyaes en tan pocu tiempu, entre les que destaquen Firefox, Ubuntu, Libreoffice, Thunderbird, OpenOffice.org, Gnome, KDE, Aspell, etc.

AnguañoEditar

 
Ún de los miembros de Softastur, durante les Xornaes de Llingua y Educación[4], marzu de 2010, Xixón.

Anguaño Softastur caltién Ubuntu, que ye el primer sistema operativu n'asturianu, participando nel proyeutu Rosetta pa la so torna, asina como los principales proyeutos d'escritoriu y distribuciones de software llibre. L'equipu de Softastur cunta ente les sos files con profesores, escritores/traductores en llingua asturiana, programadores, y l'asesoramientu direutu de l'Academia de la Llingua, asina como d'un grupu de correutores pa les traducciones finales.

Otros proyeutos nos que trabayen los miembros de Softastur, ye na implantación de Hunspell nel sistema operativu, na suite ofimática LibreOffice y nel restolador web Firefox. Hunspell ye un programa interactivu de revisión ortográfica y que pue usase como llibrería o como correutor ortográficu independiente.

  • N'abril de 2010, Softastur fina la migración d'equipos a Ubuntu que-y encargare l'ALLA[12]. Al actu, acude un miembru de Canonical LTD y tamién miembru de Softcatalà[13]
  • En xunu de 2010, Softastur fina la primer alpha de Aspell, totalmente funcional n'Ubuntu. D'igual mou habilita Hunspell[14] pa la correición automática na suite Openoffice
  • Nel añu 2011, Softastur llanza les aplicaciones pa smartphones Diccionariu[15] y Ayures[16]. Diccionariu ye una en aplicación en llinia basada nel DALLA, y Ayures[17] ye la primer ferramienta de xeollocalización con Toponimia en llingua asturiana

Proyeutos principales en llingua asturianaEditar

Programes y aplicaciones tornaos en llingua asturianaEditar

SemeyesEditar

Enllaces esternosEditar

ReferenciesEditar

  1. http://www.asturnews.com/index2008.php?idn=7460 Entrega de Premios Andrés Solar a Softastur
  2. http://www.asturies.com/node/9827 Ubuntu yá ta dafechu n'asturianu. Asturies.com
  3. Proyeutos de Softastur
  4. http://blogs.altuxa.com/tapaponga/xornaes-deducacion-y-llingua-de-suatea.html Xornaes d'Educación y Llingua
  5. http://www.asturnews.com/index2008.php?idn=9252 Presentación de Termast
  6. http://www.youtube.com/watch?v=bBNGXkFwXR8&feature=related Videu de la presentación de Termast
  7. http://www.asturies.com/node/5021 Noticia d'Edubuntu n'asturianu
  8. http://blogs.altuxa.com/tapaponga/cronica-edubuntu-nasturianu.html Crónica de la noticia
  9. http://www.lesnoticies.com/lesnoticies/noticies/softastur-completa-traduccion-asturianu-d%27open-office/4984 Softastur completa la traducción d'OpenOffice
  10. http://blogs.altuxa.com/tapaponga/descarga-openoffice-org-nasturianu.html Enllaz a la noticia
  11. http://www.asturies.com/node/9390 Ximiélga.me abre pa tolos usuarios
  12. http://www.tuexperto.com/2010/04/13/ubuntu-linux-l%E2%80%99academia-de-la-llingua-asturiana-se-pasa-el-software-libre/
  13. http://farm5.static.flickr.com/4119/4919579351_5c196e5cc8_b.jpg
  14. http://extensions.services.openoffice.org/en/dictionaries Hunspell n'asturianu n'openoffice
  15. App Diccionariu Android
  16. http://ayures.softastur.net/ Páxina web d'Ayures
  17. http://www.lavozdeasturias.es/asturias/Onde-tas-Toi-Taralluengu_0_545345542.html el avilesín David Rodríguez Álvarez y el llionés Ayoze Roberto Bernardo de Softastur, llanzen Ayures
  18. [http://blogs.altuxa.com/tapaponga/por-fin-thunderbird-nasturianu.html