Abeya

(Redirixío dende Abeyes)
Wikipedia:Wikipedia:Llista d'artículos que toa Wikipedia tien que tener/Archivu

L'abeya ye un inseutu voladore, hymenoptera, cercanu a l'aviespa y la formiga.

Commons-emblem-notice.svg
 

Infobox animalia.png

Abeya
Apis mellifera Tanzania.jpg
Clasificación científica
Reinu: Animalia
Filu: Arthropoda
Clas: Insecta
Orde: Hymenoptera
Suborde: Apocrita
Superfamilia: Apoidea
Families
Sinonimia
Apiformes
[editar datos en Wikidata]

Ta adautada p'alimentase de néctar y tienen una función perimportante na polinización de plantes con flores, polo que ye polinizador.

Tien una llingua llarga qu'usa pa sacar el néctar de les flores, antenes de 13 segmentos nos machos y 12 nes femes. Dos pares d'ales, les traseres más pequeñes. Les pates tán adautaes p'acollechar polen y l' apéndiz del estómagu ye un obleru usáu pa defendese.

Hai unes 16.000 especies conocíes, magar que camiéntase qu' hai alredor de 30.000 especies en total. Les abeyes pueden ser solitaries o vivir en grandes comunidaes de munches clases.

Les más avanzaes son les colonies eusociales, alcontraes ente les abeyes de miel y les abeyes ensin obleru.

Camiéntase que la socialidá evolucionó en forma separtada en distintos grupos d'abeyes.

Abeyes eusocialesEditar

Viven en truébanos o caxellos, caún cola so reina xunto coles obreres y bázcaros.

Abeyes solitaries, comunales y cuasisocialesEditar

Algunes otres abeyes formen pequeñes colonies, como gran parte de los bázcaros (Bombus terresrtis, B. pratorum, etc.) viven en colonies d'unes 30 a 400 abeyes, mentantes los truébanos d'abeyes de miel pueden tener de 40.000 a 80.000 abeyes en veranu. L'abeya reina ye quien a sobrevivir pola so cuenta un tiempu curtiu (non como les reines eusociales que necesiten que curien d'elles tol tiempu).

MisceláneaEditar

Toles abeyes comen néctar y polen. Les abeyes son perbones polinizadores y tienen gran importancia na agricultura.