Aboño (Carrió)

(Redirixío dende Aboño)

Aboño ye un entidá de población de la parroquia de Carrió, en Carreño.

L'INE establez qu'Aboño ye una aldega de 26 habitantes (13 homes y 13 muyeres). El so códigu de referencia ye 33 014 040101. [1]

Alcuéntrase a una distancia de Candás, capital del conceyu, de 5,60 km. Tien una altitú máxima de 60 m sobre'l nivel del mar. Pal añu 2010 contaba con 49 viviendes, 24 principales y 25 non principales. [2]

La llinia F4 "Xixón-Cuideiru" de FEVE tien apeaderu n'Aboño.

TopónimuEditar

L'orixen del topónimu Aboño alcuéntrase ente aquellos xeneraos polos correspondientes masculinos surdío dende un antropónimu cenciellu (nome de persona) o dende ún axetiváu y en concordancia cola cosa poseyída (FUNDUS...):

Aboño: APONIUS / ABONIUS.[3]

EntornuEditar

El so territoriu taba definíu pola desembocadura del ríu Aboñu, que-y da nome. Nesta ría alcuéntrense anguaño dos importantes estructures que determinen dafechu'l paisaxe: la Central Térmica d'Aboño, de la empresa Hidrocantánbrico, y la Cementera Tudela Veguín. Amás, l'ampliación del puertu xixonés d'El Musel espardióse pela vertiente occidental del Cabu Torres pa la creyación del Parque de Carbones d'El Musel. Esta actividá industrial fizo d'Aboño un llugar tremendamente contamináu.

Esta ría remata na playa d'Aboño.

Entidaes del llugarEditar

Esti llugar ye'l llar de la Cultural Deportiva Aboño, club de fútbol que xuega na 1ª Rexonal.

ReferenciesEditar

  1. Nomenclátor del INE, 2011[1]
  2. Nomenclator de la SADEI [2]
  3. Xose Lluis García Arias, "Toponimia Asturiana"[3]