Central Térmica d'Aboño

Central termoeléctrica convencional de 921,7 MW, asitiada nel valle del ríu Aboño, nel llugar d'Aboño, Carreño, na vertiente occidental del Cabu Torres. Alcuéntrase a 8km de Xixón y a 2 Km. del puertu d'El Musel.

Pertenez a la empresa de llectriciá Hidrocantábrico (EDP-HC Energia).

Tien dos unidaes xeneradores : ABOÑO-1, de 365,5 MW de potencia, puesta en serviciu'l 15 de marzu de 1974, y ABOÑO- 2, de 556,2 MW de potencia, puesta en serviciu'l 23 de setiembre de 1985.

Dambas unidades puen usar varios combustibles a la vez, tanto sólidos como llíquidos y gaseosos. Como carbón consumen hulla nacional ya importaáu; el fueloil ye'l "pesáu nᵘ2 de CAMPSA"; los gases son d'altu fornu y de batería de coque, escedentes de la siderurxica Arcelor Mittal.

Primera FaseEditar

La primera fase (ABOÑO-1), en serviciu dende'l 15 de marzu de 1974, ye una unidá monobloque de 365,5 MW, del tipu "semi-intemperie", con turbina de 3 cuerpos con 42 escalonamientos y 7 estracciones de vapor, en ciclu de Hirn a 166 bar y 538ºC con recalentamientu intermediu y con presión final de 0.058 bar.

El Xenerador de Vapor ye del fabricante Foster Wheeler y el Grupu Termoalimentador de Brown Boveri.

Segunda FaseEditar

La segunda fase (ABOÑO-2), en serviciu dende'l 23 de setiembre de 1985, ye una unidá monobloque de 556,2 MW, del tipu "semi-intemperie", con turbina de 4 cuerpos con 38 escalonamientos y 8 estracciones de vapor, en ciclu de Hirn a 166 bar y 538ºC con recalentamientu intermediu y con presión final de 0,043 bar.

El Xenerador de Vapor ye del fabricante Foster Wheeler y el Grupu Termoalimentador de Brown Boveri.

Enllaces esternosEditar

EDP-HC Energía, Centrales térmiques