Academia Aragonesa de la Llingua
L'Academia Aragonesa de la Llingua (aragonés: Academia Aragonesa d'a Luenga; en castellanu y oficialmente Academia Aragonesa de la Lengua) ye una institución científica de caráuter oficial y pública, creada pola Llei 3/2013, de 9 de mayu, d'usu, proteición y promoción de les llingües y modalidaes llingüístiques propies d'Aragón[1] como autoridá llingüística del aragonés y del catalán. Sustitúi a l'Academia d'a Luenga Aragonesa y a l'Academia Aragonesa d'o Catalán, creaes cola anterior llei d'usu, proteición y promoción de les llingües propies d'Aragón, academies que nun se constituyeron.
| Academia Aragonesa de la Llingua | |
|---|---|
| institución pública | |
| Llocalización | |
| País |  España |
| Autonomía |  Aragón |
| Sede | Zaragoza |
| Direición | España |
| Historia | |
| Fundación | 9 mayu 2013 |
| Organigrama | |
| Presidente | Javier Giralt Latorre (1r ochobre 2021) |
| Participación empresarial | |
| Formáu por |
Institutu del Aragonés Institutu Aragonés del Catalán |
| Web oficial | |
 | |
Los sos estatutos foron aprobaos pol Gobiernu d'Aragón el 10 d'abril de 2018, publicándose nel Boletín Oficial d'Aragón el 20 d'abril de 2018[2].
Tien personalidá xurídica propia y exerz les sos funciones con autonomía orgánica, funcional y presupuestaria, col envís de garantizar la so oxetividá y independencia.
Estructura
editarL'Academia ta compuesta por dos institutos: l'Institutu del Aragonés (n'aragonés, Instituto de l'Aragonés) y l'Institutu Aragonés del Catalán (en catalán, Institut Aragonès del Català), que podrán proponer al Plenu de l'Academia les normes d'usu correutu del aragonés y del catalán d'Aragón, respeutivamente.
Competencies
editarSegún la Llei 3/2013 y los sos propios estatutos, ye finalidá de l'Academia Aragonesa de la Llingua:
- Establecer les normes referíes al usu correutu de les llingües y modalidaes llingüístiques propies d'Aragón, polos sos institutos;
- Asesorar, polos sos institutos, a los poderes públicos y instituciones sobre temes rellacionaos col usu correutu de les llingües y modalidaes llingüístiques propies y cola so promoción social;
- Desendolcar aquelles xeres que nel ámbitu de la so competencia-y encargue'l Gobiernu d'Aragón.
Académicos
editarSegún los sos estatutos, l'Academia Aragonesa de la Llingua podrá tener hasta un máximu de 30 académicos de númberu, y un númberu indetermináu d'académicos correspondientes y académicos d'honor. Los académicos habrán ser persones de reconocíu prestixu nel ámbitu de la filoloxía, lliteratura y llingüística, preferentemente doctores, y con preferencia de nativos, que cuenten con una llarga trayeutoria na práutica y nel fomentu de los valores llingüísticos y lliterarios propios de la comunidá aragonesa, y na que tán representaes les llingües y modalidaes llingüístiques propies d'Aragón.
Na actualidá tien 15 académicos de númberu, que son los siguientes[3]:
- Carmen Alcover Pinós.
- María Luisa Arnal Purroy.
- José Bada Panillo.
- María Pilar Benítez Marco.
- Manuel Castán Espot.
- María Ángeles Ciprés Palacín.
- Ánchel Conte Cazcarro.
- Javier Giralt Latorre.
- Merxe Llop Alfonso.
- Juan Pablo Martínez Cortés.
- María Teresa Moret Oliver.
- Francho Nagore Laín.
- Francho Rodés Orquín.
- Ramón Sistac Vicén.
- José Solana Dueso.
Xunta de Gobiernu
editarLa primer Xunta de Gobiernu foi elixida'l 1 d'ochobre de 2021, colos siguientes miembros:[4]
- Presidente: Javier Giralt Latorre.
- Vicepresidente: María Pilar Benítez Marco.
- Secretariu: Juan Pablo Martínez Cortés.
- Ayalguera: María Teresa Moret Oliver.
La Xunta de Gobiernu de l'Academia complétase con dos vocales escoyíos pol Institutu del Aragonés y otros dos pol Institutu Aragonés del Catalán. El 21 de marzu de 2022 contituyéronse los plenarios de los dos institutos, qu'elixeron a los siguientes vocales[5]:
Institutu del Aragonés y Institutu Aragonés del Catalán
editarSegún los Estatutos de l'Academia[2], ésta ta compuesta por dos institutos: l'Institutu del Aragonés y l'Institutu Aragonés del Catalán, que s'encargarán de proponer les normes del usu correutu del aragonés y del catalán d'Aragón. Tamién tienen, ente otres, les competencies d'inventariar y actualizar el léxicu, estimular el so usu, el deprendimientu y difusión de la llingua, la de collaborar na formación del profesoráu o la d'asesorar a los poderes públicos y instituciones sobre temes rellacionaos con estes dos llingües.
Los Plenarios de los institutos constituyéronse'l 21 de marzu de 2022[5], día en que tamién s'elixeron los cargos de les sos Comisiones Permanentes, que son los siguientes:
Comisión Permanente del Institutu del Aragonés
editar- Direutor: Ánchel Conte Cazcarro
- Subdireutor: Juan Pablo Martínez Cortés
- Secretariu-Alministrador: Francho Nagore Laín
- Vocal: María Pilar Benítez Marco
- Vocal: Manuel Castán Espot
Comisión Permanente del Institutu Aragonés del Catalán
editar- Direutor: Javier Giralt Latorre
- Subdireutor: Ramos Sistac Vicen
- Secretaria-Alministradora: María Teresa Moret Oliver
- Vocal: Merxe Llop Alfonso
- Vocal: Carmen Alcover Pinós
Véase tamién
editarReferencies
editar- ↑ Lei 3/2013, de 9 de mayo, d'uso, protección y promoción d'as luengas y modalidaz lingüisticas propias d'Aragón.
- ↑ 2,0 2,1 Decreto 56/2018, de 10 de abril, d'o Gubierno d'Aragón, por o que se apreban os Estatutos de l'Academia Aragonesa d'a Luenga.
- ↑ (castellán) El Gobierno nombra a los primeros miembros de la Academia Aragonesa de la Lengua
- ↑ (castellán) La Academia Aragonesa de la Lengua celebra su primer Pleno y elige a su Junta de Gobierno en Arainfo
- ↑ 5,0 5,1 (castellán) La Academia Aragonesa de la Lengua constituye los institutos del aragonés y del catalán en Arainfo
Enllaces esternos
editar- (castellán) Sitiu web oficial
Datos: Q16482407
