Acción Libertaria

Aición Libertaria foi un selmanariu de calter anarquista fundáu en Xixón por Eleuterio Quintanilla y Ricardo Mella.

Acción Libertaria
Datos
Tipu	periódicu
Estáu	España

El primer exemplar vio la lluz nel mes de payares de 1910 y nél collaboraron importantes representantes del movimientu obreru como José Prat, Anselmo Lorenzo, Kropotkin, etc. La direición corría a cargu de José Machargo, y la redaición componíenla Ricardo Mella, Pedro Sierra y Eleuterio Quintanilla que s'encargaba de la seición llamada «Revista de Prensa».

Dexó d'asoleyase nel númberu 27, nel veranu de 1911, cuando les autoridaes prohibieron la so ellaboración nes imprentes d'Asturies, lo que dio llugar a que'l llugar d'impresión pasase a Vigo, llugar del que yera natural Ricardo Mella, que se fizo cargu de la so direición. Nesta ciudá solo llegaron a asoleyase cinco o seis númberos, viéndose obligáu a cesar la so actividá nel més de payares debido a la represión gubernativa como consecuencia de la güelga xeneral acordada nel segundu congresu de la CNT, que se celebrara los díes 8 y 9 de setiembre en Barcelona.

Enllaces esternos

• Datos: Q8186929