Acueductu de los Pilares

Acueductu de los Pilares
	Bien d'Interés Cultural
	acueductu
Llocalización
País	España
Autonomía	Principáu d'Asturies
Provincia	provincia d'Asturies
Conceyu	Uviéu
Parroquia	Uviéu
Ciudá	Uviéu
Coordenaes	43°21′54″N 5°51′29″W / 43.36492°N 5.85792°O
	Acueductu de los Pilares Acueductu de los Pilares (Asturies)
Patrimoniu
BIC	RI-51-0000142-00000

L'Acueductu de les Pilastres ta asitiáu nel barriu uvieín de Ciudá Naranco, n'Asturies. Foi construyíu ente 1570 y 1599 so la direición de Juan de Cerecedo, magar foi concluyíu por Gonzalo de la Bárcena, fontaneru mayor de Valladolid.

La construcción inicial cuntaba con cuarenta y dos arcos (denominaos popularmente «pilastres») de 390 metros de llargu y 10 metros d'altor. Supunxo un costu total de 15.500 ducaos de la época costeaos por impuestos sobro la sidra y el vinu.^[1]

La so construcción realizóse p'abastecer a la ciudá coles agües de les fontes de Boo y Fitoria del Monte Naranco.^[2] Ente la so construcción nel sieglu XVI y 1875 foi la mayor y principal canal de distribución hidrográficu de la ciudá hasta que foi sustituyíu por un sistema de depósitos d'agua y tuberíes a presión proyeutáu por Pedro Pérez de la Sala en 1864.

Del acueductu queden namái cinco pilastres dexaes como homenaxe y alcordanza de lo que foi aquel acueductu, pos en 1915 foi baltáu'l restu pa facilitar l'enanche de la ciudá y la so nueva organización. Estos cinco arcos restauráronse en 2006 y supunxeron un costu d'unos 48.000 euros.^[1]^[3]

Declaróse monumentu Históricu-Artísticu'l 26 de payares de 1915.^[1]

Galería

Referencies

↑ ^1,0 ^1,1 ^1,2 Vivir Asturias. «Acueducto de los Pilares» (castellanu). Consultáu'l 19 de febreru de 2018.
↑ Gutiérrez Claverol, Manuel (29 d'ochobre de 2011). «El Naranco, un tesoro geológico». Oviedo y Centro (La Nueva España): páxs. 8.
↑ La Nueva España (15 de marzu de 2006). «Los Pilares rejuvenecen» (castellanu). Consultáu'l 6 de payares de 2018.

Enllaces esternos

[vivirasturias-1] 1,0 ^1,1 ^1,2 Vivir Asturias. «Acueducto de los Pilares» (castellanu). Consultáu'l 19 de febreru de 2018.

[2] Gutiérrez Claverol, Manuel (29 d'ochobre de 2011). «El Naranco, un tesoro geológico». Oviedo y Centro (La Nueva España): páxs. 8.

[lne-3] La Nueva España (15 de marzu de 2006). «Los Pilares rejuvenecen» (castellanu). Consultáu'l 6 de payares de 2018.

[1]

[2]

[3]