Vinu

bebida alcohólico que sal al formentar el zusmiu de la uva

El vinu ye una bebida que s'obtien de la uva per aciu de la formentación alcohólico del so mostu o zusmiu; el formientu produzse pola aición de lleldos o llevadures que tresformen los zucres del frutu n'alcohol etílicu y anhídridu carbónicu.

Vinu
Nome Vinu
Detalles
Ingredientes vinu tinto, vinu blanco y vinu esplumoso
Materiales usaos uva
lleldu
Colores bermeyu, rosa, blancu y naranxa
Productu natural de Vitis vinifera subsp. vinifera
Más información
Caráuter unicode 🍷
[editar datos en Wikidata]

Tien el nome de «vinu» namái el líquidu que resulta del formientu alcohólico, dafechu o parcial del zusmiu d'uves, ensin mestu de nenguna sustancia. En munches llexislaciones considérase namái vino, a la bebida espirituosa obtenía de Vitis vinifera, pese a que se llogra bebíes asemeyaes de la Vitis labrusca y Vitis rupestris, etc.

Orixe de la so producción editar

Les evidencies de producción de vinu más antigües daten d'afayamientos arqueolóxicos d'ente los años 6.000 y 5.000 e.C.. na rexón de Xeorxa ya Irán, y n'Europa (Grecia) fai 6.500 años (esto ye, alrodiu del 4.500 e.C..). Les primeres referencies documentaes llévenos a l'antigua Grecia, onde se bebía mezclao con agua y conservabáse en pelleyos de cabra.

Lo primero qu'hai que dicir ye que'l vinu, a lo llargo de la historia, tuvo mui bien consideráu pola alta sociedá, siendo testigu imprescindible en cualesquier acontecimientu o banquete d'importancia y alredor d'él firmárense los grandes trataos y asocedíos históricos.

Yá n'Exiptu, Grecia y Roma adorábase a Dioniso o Baco (dios de los viñeos) y na Biblia fálennos de la Última Cena de Xesús, representando con él el so sangre. Sabemos qu'en China, va 4.000 años, yá conocíen el procesu de fermentación de la uva, y que n'Exiptu, nel sieglu IV e.C. yá conocíen la viticultura. Xuliu César foi un gran apasionáu del vinu y introdúxolu per tol Imperiu Romanu.

Etimoloxía editar

La etimoloxía conocía de la pallabra asturiana vinu remana de la llatina vinum y ésta de la griega οινος, magar que considérase que la radical alcuéntrase próxima a la pallabra sánscrita vana (amor), que dio tamién llugar a la pallabra Venus. Esta rellación semántica vien dada pola antigua creyencia nos poderes afrodisiacos del vinu.


Ver tamién editar

Referencies editar

Enllaces esternos editar