Adela Pla
Adela Pla Pastor (17 de payares de 1936, Sedaví – 16 d'agostu de 2005, Sedaví) foi una profesora, xuez de paz y política socialista española, la primer muyer n'ocupar un cargu de conseyera nun gobiernu preautonómicu (Conseyu del País Valencianu),[2] la primera escoyida diputada pola circunscripción eleutoral de Valencia tres la recuperación de les llibertaes públiques y la primera na delegación de les Cortes españoles ante'l Conseyu d'Europa (1982-1987)[3][4][5]
.svg){kind=small}
Biografía editar
Nel ámbitu profesional, foi profesora de Primaria nel so momentu, y d'Enseñanza Xeneral Básica dempués, en Picassent, onde participó na fundación y desarrollu d'un modelu educativu, la escuela La Comarcal, basáu nuna enseñanza pública y calidable, con accesu a la conocencia y usu del valencianu yá en tiempos del franquismu.
Fía del últimu alcalde de Sedaví mientres la Segunda República, Vicent Pla, nel ámbitu políticu foi allegáu a los movimientos socialista y progresista dende mozu. Afilióse finalmente al Partíu Socialista del País Valencianu (PSPV-PSOE) en 1976. Foi nomada conseyera del tercer y cuartu Conseyu del País Valencianu por Josep Lluis Albiñana[2] y escoyida diputada al Congresu por Valencia en cinco causes consecutives (1979, 1982, 1986, 1989 y 1993), onde foi vicepresidente de la Comisión de Control de Radio Televisión Española.
En 1996 abandonó la política institucional y tornó a la so llocalidá natal, de nuevu como maestra na escuela La Comarcal y como xuez de paz.
Referencies editar
- ↑ URL de la referencia: http://hemeroteca.abc.es/nav/Navigate.exe/hemeroteca/madrid/abc/1982/11/19/035.html.
- ↑ 2,0 2,1 Generalidad Valenciana (ed.): «Composición de los Gobiernos preautonómicos de la Comunidad Valenciana». Consultáu'l 21 de xunetu de 2013.
- ↑ Congresu de los Diputaos (ed.): «Ficha de Pla Pastor, Adela». Consultáu'l 21 de xunetu de 2013.
- ↑ Paula Carrión (17 d'agostu de 2005). «Necrolóxica: Adela Pla, veterana socialista». El País. https://elpais.com/diario/2005/08/17/agenda/1124229602_850215.html. Consultáu'l 21 de xunetu de 2013.
- ↑ «Fina la ex diputada Adela Pla, la primer muyer que foi consellera». Diariu Levante. 17 d'agostu de 2005. https://www.levante-emv.com/comunitat-valenciana/2884/fina-ex-diputada-adela-pla-primer-muyer-consellera/130134.html. Consultáu'l 21 de xunetu de 2013.
Datos: Q4681611
