Adonina Tardón
Adonina Tardón García (1953, Madrid) ye una investigadora y epidemióloga española, que se convirtió na primer catedrática de Medicina Preventiva y Salú Pública de la Universidá d'Uviéu.[3]
Adonina Tardón | |
|---|---|
| Vida | |
| Nacimientu | Madrid[1], 1953[1] (70/71 años) |
| Nacionalidá |
 España |
| Estudios | |
| Estudios |
Universidá Complutense de Madrid (1r ochobre 1970 - 1r xunetu 1976) Universidá d'Uviéu (3 marzu 1991 - |
| Oficiu | investigadora, epidemióloga, profesora |
| Emplegadores | Universidá d'Uviéu (13 agostu 1993 – |
| Premios |
ver
|
 | |
Trayectoria
editarLlicencióse en Medicina y Ciruxía pola Universidá Complutense de Madrid.[4] Doctoróse pola Universidá d'Uviéu.[4] Nel Centru Internacional d'Investigaciones del Cáncer de la OMS de Lyon, realizó una estancia postdoctoral nel Centru Internacional d'Investigaciones del Cáncer.[4]
Desenvolvió la so carrera en epidemioloxía ambiental, medicina preventiva y salú pública. Foi la primer muyer en convertise en catedrática de salú pública na Universidá d'Uviéu.[4] Tamién foi en diverses ocasiones científica visitante nel Institutu Nacional del Cáncer de Washington[4]
Amás, foi mientres munchos años profesora universitaria.[4] De 2000 a 2016, foi secretaría científica del IUOPA, l'Institutu Universitariu d'Oncoloxía de la Universidá d'Uviéu.[4] Tamién nel 2000, convirtióse en directora del Grupu d'Epidemioloxía Ambiental y ocupacional del IOUPA.[4] En 2007 pasó a dirixir el Ciber d'Epidemioloxía y Salú Pública y en 2016 l'Institutu d'Investigación Sanitaria d'Asturies (ISPA).[4]
Tamién se convirtió na investigadora principal del proyectu européu Cancer prevention at work, que busca erradicar la bacteria Helicobacter pylori, considerada'l factor de riesgu principal del cáncer d'estómagu.[3]
Foi nomada miembru del Comité d'Ética de la Investigación del Principáu d'Asturies, de la cátedra Concepción Arenal d'Axenda 2030 de la Universidá d'Uviéu, de la cátedra Cogersa y del Conseyu de Salú d'Asturies.[4] En 2023 foi nomada profesora emérita de la Universidá d'Uviéu.[5]
Reconocencies
editarEl ránking de 2022 del Conseyu Superior d'Investigaciones Científiques, determinó que Tardón yera la científica asturiana más destacada d'España.[3] En 2023, el diariu La Nueva España nomó a Tardón l'Asturiana del Mes de mayu[4] Esi mesmu añu, Tardón foi la pregonera de les fiestes de la llocalidá asturiana de Balmonte, na que braniaba cuando yera neña.[6]
En 2024 foi condecorada cola Medaya d'Asturies, la máxima condecoración que da'l Gobiernu del Principáu d'Asturies, al pie de l'artista Consuelo Vallina, al alcalde de Mieres Aníbal Vázquez, el primer alcalde de la democracia de Llaviana, Pablo García, y el director d'El Comercio, Marcelino Gutiérrez.[3][7]
Referencies
editar- ↑ 1,0 1,1 URL de la referencia: https://www.eldiario.es/asturias/alcalde-anibal-vazquez-medalla-asturias-2024-titulo-postumo-compromiso-defensa-mineria_1_10851121.html. Data de consulta: 15 febreru 2024.
- ↑ «Boletín Oficial del Principáu d'Asturies» (castellanu). Conseyu de Gobiernu del Principáu d'Asturies. Consultáu'l 23 agostu 2024.
- ↑ 3,0 3,1 3,2 3,3 «Estas son las Medalla de Asturias 2024» (castellanu). Nortes | Centradas en la periferia (2024-01-20). Consultáu'l 2024-02-15.
- ↑ 4,00 4,01 4,02 4,03 4,04 4,05 4,06 4,07 4,08 4,09 4,10 Pertierra, Tino (2023-07-23). «Adonina Tardón, "Asturiana del mes" de mayo por su incansable labor en medicina preventiva» (castellanu). La Nueva España. Consultáu'l 2024-02-15.
- ↑ «Nueva etapa para la primera catedrática de Salud Pública de la Universidad de Oviedo». rtpa.es. Consultáu'l 2024-02-15.
- ↑ RODRÍGUEZ, ÁNGELA (2023-08-24). «Adonina Tardón pregona las fiestas de Belmonte: «Me siento en casa»» (castellanu). El Comercio: Diario de Asturias. Consultáu'l 2024-02-15.
- ↑ Vega, Luis Ángel (2024-01-19). «Estas son las cinco medallas, el hijo predilecto y los hijos adoptivos de Asturias en 2024» (castellanu). La Nueva España. Consultáu'l 2024-02-06.
Enllaces esternos
editar
Datos: Q55454742
