Adréi

Adréi, revista de lliteratura, foi una publicación dedicada a la creación lliteraria, asoleyada n'Uviéu y que dirixeron los escritores Xuan Bello y Berta Piñán.

Adréi
Datos
Tipu	revista
Fundación	1986
Idioma	asturianu
Estáu	España

La revista nació nel añu 1986 y llegó a editar siete númberos.

Esta publicación trató de dir un pasu más allá de la revista de l'Academia de la Llingua Asturiana, Lletres Asturianes, yá que nesta última nun se producía nengún tipu de seleición de la obra que se diba a publicar.

N'Adréi convivieron dos tendencies. Per un llau, como revista xeneracional, vieron la lluz trabayos d'autores coetáneos colos direutores como Antón García, Concha Quintana o Xilbertu Llano. Per otru llau tamién tienen un llugar na revista autores más consagraos nun pasáu reciente, como Xuan Xosé Sánchez Vicente, o los vinculaos al Conceyu d'Asturies de Madrid como Alfonso Velázquez o Xosé Álvarez, Pin.

Enllaces esternos

• Datos: Q13146686