Xuan Bello
Xuan Bello Fernández (1965, Paniceiros), más conocíu como Xuan Bello, ye ún de los escritores más destacaos de la lliteratura contemporánea en llingua asturiana.
Xuan Bello | |
|---|---|
.jpg) | |
| Vida | |
| Nacimientu | Paniceiros, 1965[1] (58/59 años) |
| Nacionalidá |
 España |
| Llingua materna | asturianu |
| Familia | |
| Casáu con | Sonia Fidalgo |
| Estudios | |
| Llingües falaes |
castellanu[2] asturianu portugués |
| Oficiu | escritor, poeta, traductor |
| Premios |
ver
|
| Miembru de | Conseyu Asesor de Política Llingüística |
 | |
Biografía
editarNació en Paniceiros, Tinéu, en 1965, anque treslladóse a vivir a Tudela Veguín y , más tarde, a Uviéu. Nesta ciudá, na Facultá de Filoloxía y na tertulia Oliver coincide con escritores como Antón García, José Luis García Martín, Víctor Botas, Berta Piñán, Fonsu Velázquez, Xuan Ignaciu Llope o José Luis Piquero.
En 1982, con malapenes 16 años espublizó’l primer llibru de poemes, escritu n'asturianu occidental Nel cuartu mariellu. El so llabor poéticu, aparte de los poemes y versiones espublizaes en revistes universitaries y en Lletres asturianes, siguió con El llibru de les cenices (1988), Los nomes de la tierra (1991) , El llibru vieyu , col qu'algamó’l premiu Teodoro Cuesta de poesía en 1993 y Los Caminos Secretos (1996). En 1999 espublizose una antoloxía billingüe (asturianu-castellán) de la so poesía, col títulu de La Vida Perdida.
Xuan Bello ye ún de los principales animadores de la lliteratura asturiana, gracies a les sos traducciones, especialmente d'autores portugueses o a les collaboraciones en revistes como Clarín, Adréi y Zimbru, siendo cofundador de les dos últimes con Berta Piñán y Esther Prieto respeutivamente. Tamién tien publicao nos diarios La Nueva España y El Comercio y nel selmanariu Les Noticies, del que foi direutor ocho años. Anguaño encárgase de la estaya dixital del mediu. En 2005 foi responsable de la la organización de la Xunta d'Escritores Asturianos.
Sícasí, la fama lliteraria llego-y gracies a la traducción al castellanu de Hestoria Universal de Paniceiros, que recibió’l premiu Ramón Gómez de la Serna y convirtióse nun de los llibros más destacaos polos críticos españoles en 2003. Otros llibros suyos, a caballu ente l'ensayu y el rellatu, son Pantasmes, mundos, laberintos (1996), La memoria del mundu (1998), Meditaciones nel desiertu (2003) y Los Cuarteles de la memoria (2003).
En 2009 recibió'l Premiu de la Crítica RPA de Lliteratura, pol llibru Ambos mundos: poesía 1988-2009.
Nel añu 2017, Xuan Bello alzóse col Premiu Nacional de Lliteratura Asturiana, na so primera edición, un premiu de carácter triañal qu'entama l'Academia de la Llingua Asturiana. El xuráu destacó la estraordinaria calidá y relevancia de la so trayeutoria lliteraria (qu'amiesta poesía y narrativa), que vien xugando un papel fundamental na dignificación y visualización de la lliteratura asturiana y de la propia llingua, asina como pola mor de la proyeición estatal ya internacional qu'algama la so obra con numberoses traducciones a estremaes llingües.[4]. Tamién nel añu 2017 algamó'l Premiu Teodoro Cuesta de Poesía[5]
Obra
editarPoesía
- Nel cuartu mariellu (1982).
- Llibru de les cenices (1988)
- El llibru vieyu (1994)
- Los caminos secretos (1996)
- La vida perdida (1999). Antoloxía billingüe de la so poesía.
- El llibru nuevu (2017) (Editorial Saltadera)[6]
- Les islles inciertes (2020) (Ediciones Trabe)[7]
Ensayu
Narrativa
- Pantasmes mundos, laberintos (1996). Historia apócrifa de la lliteratura asturiana.
- La memoria del mundu (1998).
- Hestoria universal de Paniceiros (2002). Traducción castellana como Historia universal de Paniceiros (publicada en 2004)
- Los cuarteles de la memoria (2003) .
- Meditaciones nel desiertu (2003). Mecedura de diariu y ficción.
- La cueva del olvidu (2006).
- La Hestoria Tapecida (2008). Histories varies
Infantil
- El nuberu ye bona xente (2003).
Traducciones
- José Luis Olaizola : Bibiana y el so mundu (1989).
- Álvaro de Campos (heterónimu de Fernando Pessoa): Estancu y otros poemes (1989).
- Robert Louis Stevenson : El casu raru del dr. Jeckyll y mr. Hyde (1995).
- Arthur Conan Doyle: Tres aventures de Sherlock Holmes (1995).
- Álvaro Cunqueiro: Escuela de melecineros y fábula de varia xente (1997).
- Jaume Cela: Silenciu nel corazón.
- Sieglu XX cambalache ( versiones de Kipling, Pound, Ungaretti, Auden, Ferrater, Elitis, de Sena, Pavese...)
- Alfonso Daniel Rodríguez Castelao : Coses (2000)
- Jordi Sierra i Fabra: Nun llugar que llamen guerra (2002)
Otros
- Alfaya ( a comuña con Berta Piñán 1989). Material didácticu
- L’alborá de los malvises (1999). Edición Crítica de la obra de Constantino Cabal.
- El sentimientu de la tierra (1999). Antoloxía de la lliteratura asturiana contemporánea.
Referencies
editar- ↑ Afirmao en: Open Library. Identificador Open Library: OL85864A. Apaez como: Xuan Bello. Data de consulta: 9 ochobre 2017. Autor: Aaron Swartz. Llingua de la obra o nome: inglés.
- ↑ Afirmao en: catálogu de la Biblioteca Nacional Checa. Identificador NKCR AUT: mub2018996163. Data de consulta: 1r marzu 2022.
- ↑ URL de la referencia: https://www.lavozdeasturias.es/noticia/cultura/2017/01/13/xuan-bello-ganador-primer-premio-nacional-literatura-asturiana/00031484308957897646388.htm. Data de consulta: 18 xineru 2021.
- ↑ Xuan Bello lleva’l Primer Premiu Nacional de Lliteratura Asturiana Archiváu 2017-01-16 en Wayback Machine www.asturies.com Consultao'l 13.01.2017
- ↑ Bello torna a ganar el Teodoro Cuesta de poesía 24 años depués Archiváu 2022-03-26 en Wayback Machine asturies.com Consultao'l 05.12.2017
- ↑ El poemariu 'El llibru nuevu', de Xuan Bello, ya ta disponible nes llibreríes Archiváu 2017-06-30 en Wayback Machine www.asturies.com Consultao'l 25.04.2017
- ↑ Xuan Bello publica 'Les islles inciertes', Premio Teodoro Cuesta del año 2018 Archiváu 2022-08-27 en Wayback Machine El Comercio Consultao'l 19.02.2020
Enllaces esternos
editar
Wikimedia Commons acueye conteníu multimedia sobre Xuan Bello.
Wikiquote n'asturianu tien frases célebres suyes o que faen referencia a Xuan Bello.
Datos: Q3320048- Multimedia: Xuan Bello
