Adrianu II
Adriano II (792, Roma – 14 d'avientu de 872, Roma) foi'l centésimu sestu papa de la Ilesia católica de 867 a 872.[3]
Adrianu II | |||
|---|---|---|---|
 | |||
18 avientu 867 - 14 avientu 872 (Gregorianu) ← Nicolás I (es)  - Xuan VIII → | |||
| Vida | |||
| Nacimientu | Roma, 792[1] | ||
| Muerte | Roma, 14 d'avientu de 872 (79/80 años) | ||
| Sepultura | basílica de San Pedru | ||
| Familia | |||
| Casáu con | Stephania | ||
| Fíos/es |
daughter of Adrian II (es) | ||
| Oficiu | sacerdote católicu | ||
| Llugares de trabayu | Roma y Estaos Pontificios | ||
| Creencies | |||
| Relixón | Ilesia Católica[2] | ||
 | |||
Foi escoyíu papa en refugando la eleición en dos causes al considerar que la so edá, cercana a los ochenta años, nun lo faía'l más fayadizu pa desempeñar el pontificáu.
Sicasí, nin la so edá, nin el fechu de qu'antes de ser ordenáu sacerdote tuviera casáu y fuera padre d'una fía, torgaron que tanto'l cleru como'l pueblu romanu aportunaren hasta llograr la so aceptación.
Convocó'l Octavu Conceyu Ecuménicu coles mires de solucionar les discrepancies doctrinales surdíes con Focio, que como Patriarca de Constantinopla, escomulgara al papa Nicolás I y oponíase a la inclusión nel Credo niceno de la Clausa Filioque.
En dichu Conceyu resolvióse la cisma fociano por aciu la escomunión de Focio y decretóse que la Ilesia búlgara dependiera de Bizancio y por tanto fuera evanxelizada por misioneros bizantinos. Tamién se llegó al compromisu de que n'Occidente fuera reconocíu'l primáu romanu pero refugando n'Oriente toa xurisdicción papal.
Mientres el so pontificáu recibió en Roma a los hermanos Cirilo y Metodio a los qu'emprestó'l so sofitu na evanxelización de los eslavos dexando la lliturxa na so mesma llingua, rompiendo cola tradición esistente hasta entós que namái reconocía na lliturxa l'usu del llatín, del griegu o del hebréu.
En 868 un hermanu de l'antipapa Anastasiu asesinó a la muyer y a la fía d'Adrianu que moraben con él nel Palaciu de Laterano.
Finó'l 14 d'avientu de 872.
Referencies
editar- ↑ Afirmao en: Gemeinsame Normdatei. Identificador GND: 118700014. Data de consulta: 17 ochobre 2015. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: Catholic-Hierarchy.org. Identificador Catholic Hierarchy de persona: adrianp. Data de consulta: 20 ochobre 2020. Llingua de la obra o nome: inglés.
- ↑ Ducreux, Gabriel Marin (1805). Historia eclesiástica xeneral ó Sieglos del christianismo: que contién los dogmes, lliturxa... cismes, y lo demás acaecíu na Ilesia dende'l so establecimientu hasta l'añu de 1700. Consultáu'l 4 d'agostu de 2009..
Referencies
editar
- James F. Loughlin. «Enciclopedia Católica - Papa Adriano II» (castellanu). Archiváu dende l'orixinal, el 24 de febreru de 2009. Consultáu'l 4 de payares de 2009.
Datos: Q173995
Multimedia: Hadrianus II
