Aeropuertu de Maastricht Aquisgrán
L'Aeropuertu de Maastricht Aachen (IATA: MST, OACI: EHBK) ye un aeropuertu rexonal a 9 km al nordeste de Maastricht, nel conceyu de Beek, Países Baxos,[1] y non más lloñe d'Aquisgrán, Alemaña.
| Aeropuertu de Maastricht Aachen | |
|---|---|
| aeropuertu y aeródromu de tráficu comercial | |
 | |
 | |
| Llocalización | |
| País |  Reinu de los Países Baxos |
| País | Países Baxos |
| Provincia | Limburg |
| Conceyu | Beek |
| Llugar físicu |
Centraal Plateau (en)  |
| Direición |
Vliegveldweg (en) |
| Coordenaes | 50°54′45″N 5°46′10″E / 50.91256°N 5.76954°E |
  Aeropuertu de Maastricht Aquisgrán Aeropuertu de Maastricht Aquisgrán (Países Baxos) | |
| Altitú | 114 m |
| Historia y usu | |
| Apertura | 1944 |
| Orixe del nome | Maastricht |
| Aeropuertu | |
| Ciudá a la que sirve | Maastricht |
| Encruces |
Maastricht Airport (en) |
| Web oficial | |
 | |
Ye'l segundu mayor centru d'operaciones de vuelos de carga d'Holanda. En 2008, l'aeropuertu tuvo más de 252.000 pasaxeros y remanó 87.000 tonelaes de carga.[2]
El Centru de control del espaciu cimeru de Maastricht (MUAC) de la Organización Europea pa la Seguridá de la Navegación Nérea (EUROCONTROL) tamién ta allugáu nel aeropuertu. Les instalaciones disponibles nel aeropuertu son un restorán, un hotel, un mirador, centru d'atención médica, una compañía de taxi, visión a la plataforma y aparcamientos de llarga estancia.
El númberu d'operaciones baxó significativamente ente 2005 y 2007 comparáu col tráficu n'años precedentes por cuenta de que la escuela de vuelu, Nationale Luchtvaart School, que tenía la so base nel aeropuertu, movió toles sos operaciones de vuelu a Évora en Portugal. Pel branu de 2007, tornaron los vuelos d'entrenamientu al aeropuertu con Stella Aviation Academy moviéndose a les instalaciones enantes utilizaes por NLS. En 2007, hubo un total de 19.454 operaciones, un 35% más qu'en 2006[3]
Aereollinies
editarRyanair vuela dende Maastricht con vuelos regulares a Málaga, Alicante, Pisa y Girona. Especialmente mientres la temporada de branu, l'aeropuertu ye tamién utilizáu por diverses aereollinies chárter como Transavia. Ye tamién frecuente l'usu de les instalaciones por aviones privaos, especialmente mientres el TEFAF añal (La Feria Europea d'Arte Moderno) en Maastricht.
Les aereollinies Blue Air, EasyJet, Ryanair y Volareweb primeramente tuvieron vuelos a Bucuresti, Berlín, Valencia y Milán respeutivamente.
Delles aereollinies de carga vuelen dende l'aeropuertu de Maastricht Aachen, como AirBridgeCargo Airlines, Atlantic Airlines, Cargolux y Turkish Airlines que tienen vuelos regulares. Tamién esiste un importante tráficu acomuñáu a la presencia d'instalaciones de caltenimientu y pintura nel aeropuertu.
Desarrollu
editarEn xunetu de 2004, el 100% de les aiciones del aeropuertu fueron adquiríes por OmDV, un consorciu aeroportuario de la compañía d'inversión Omniport y de la compañía de construcción Dura Vermeer, convirtiéndose nel primer aeropuertu totalmente privatizáu de los Países Baxos.[4]
Efectuáronse importantes inversiones na infraestructura del aeropuertu desque foi privatizáu. Ente agostu y ochobre de 2005, la pista foi reasfaltada y renombrada como 03/21 (antes 04/22) pa compensar los cambeos de la orientación magnética de la tierra. L'aeropuertu orixinalmente tenía dos pistes; la segunda (más curtia, con 1080 m) pista (07/25) foi cerrada y destruyida pa dexar espaciu a una nueva terminal de carga ya instalaciones adicionales de caltenimientu. La construcción de les nueves instalaciones empezó n'abril de 2008.
El sistema d'aterrizaxe instrumental (ILS) de la pista 21 foi ameyoráu a la categoría III en 2008, que dexa aterrizaxes en condiciones de bien baxa visibilidá. Tan solo hai otru aeropuertu, l'Aeropuertu d'Ámsterdam-Schiphol, nos Países Baxos que cunte con un ILS de categoría III.
Aereollinies y destinos
editarPasaxeros
editar- Ryanair | Alicante, Girona, Pisa, Málaga, Reus, Faro, Trapani
- Sky Airlines | Antalya
- Transavia | Creta, , Rodas
Carga
editar- AirBridgeCargo Airlines |
- Amapola Flyg | Gotemburgu
- Atlantic Airlines | Coventry
- Avión Express |
- Cargolux | Nairobi, Luxemburgu, Latacunga, Milán-Malpensa, Johannesburgu
- Pskovavia | Pskov
- Royal Jordanian | Amán
- Turkish Airlines | Istambul, Acra
Conexones de tresporte terrestre
editar- L'aeropuertu ta allugáu xunto a l'autovía A2, na salida 50.
- La estación de trenes más cercana ye la Estación de tren de Beek-Elsloo. Hai un serviciu d'autobús (llinia 59), operáu por Veolia, ente la estación y l'aeropuertu. Amás, hai un serviciu d'autobús a la ciudá de Maastricht.
- Tamién hai taxis disponibles nel aeropuertu.
Referencies
editar- ↑ 1,0 1,1 Plantía:AIP NL
- ↑ «Páxina web MAA, Nota de prensa». Archiváu dende l'orixinal, el 28 de setiembre de 2009. Consultáu'l 13 de xineru de 2009.
- ↑ Control del tránsitu aereu de los Países Baxos (11 d'abril de 2008). Jaarverslag 2007 (Informe añal 2007).
- ↑ «Páxina de MAA (Páxina d'accionistes)». Archiváu dende l'orixinal, el 7 de mayu de 2008. Consultáu'l 11 d'abril de 2008.
Enllaces esternos
editar- Aeropuertu de Maastricht Aachen (páxina oficial n'inglés)
- Aeropuertu de Maastricht Aachen (páxina oficial n'holandés)
- MST aviation Aircraft spotter páxina de MAA
- Páxina web de Omniport
- Páxina web de Dura Vermeer (holandés)
- Airliners.net - Fotografíes tomaes nel aeropuertu de Maastricht Aachen
- Reportaxe del vuelu más llargu del aeropuertu de Maastricht Aachen
Datos: Q698063
Multimedia: Maastricht Aachen Airport
