Agapornis

xéneru de páxaros

Agapornis (griegu antiguu: ἀγάπης ὄρνις, 'ave d'amor' ) ye un xéneru d'aves psitaciformes de la familia Psittacidae, que los sos miembros son nativos d'África.

Agapornis
Clasificación científica
Dominiu: Eukaryota
Reinu: Animalia
Filu: Chordata
Subfilu: Vertebrata
Clas: Aves
Orde: Psittaciformes
Superfamilia: Psittacoidea
Familia: Psittacidae
Subfamilia: Psittacinae
Xéneru: Agapornis
Selby, 1836
Especie tipu
Agapornis swinderniana
Especies
Consultes
[editar datos en Wikidata]

Son loros pequeños, de cola curtia y de gran coloríu. El tamañu de les nueve especies ta entendíu ente 13 a los 16 cm Aliméntase de granes, frutes y yemes. Tienen una vida media ente diez y dolce años (anque nun ye difícil qu'en cautividá y con unos cuidos afayadizos puedan llegar a vivir hasta quince años).[1] Cinco de los sos miembros destaquen por construyir el so nial nes cañes de los árboles, en llugar d'añerar en cuévanos como la mayoría de los psittaciformes.[2]

Suelen ser animales bastante confiables col ser humanu, anque muncho más colos de la so propia especie y otres aves. Por norma xeneral nun suel ser un animal violentu nin suel atacar, sacantes se sienta bien amenazáu.[3]

Taxonomía editar

El xéneru contién nueve especies:[4]

 
Filogenia del xéneru Agapornis basada n'estudios xenéticos.[5] La especie con llinia colorada inda nun foi allugada na filogenia, pero pertenez a esti xéneru.
    • Agapornis canus
    • Agapornis fischeri
    • Agapornis lilianae
    • Agapornis nigrigenis
    • Agapornis personatus
    • Agapornis pullarius
    • Agapornis roseicollis
    • Agapornis swinderniana
    • Agapornis taranta

Nidificación editar

A diferencia del restu de Psittaciformes qu'añeren en cuévanos, cinco de les especies del xéneru (amás de cotorra monxa) carauterícense por construyir el so nial nes cañes de los árboles.[6] Dependiendo de les especies, la fema va acarretar el material pal nial de delles formes. El Agapornis roseicollis enserta los materiales de construcción ente les plumes del obispillu, ente que el Agapornis personatus llévalos nel picu.[7] Una vegada qu'empiecen la construcción del nial empieza l'apareamientu. Mientres esta dómina apáriense repitidamente. La fema pon ente trés y seis güevos, que ponen en díes consecutivos.

Referencies editar

  1. (2003) The Ultimate Encyclopedia of Caged and Aviary Birds. London, England: Hermes House. ISBN 1-84309-164-X.
  2. Eberhard, J. Evolution of nest-building behavior in Agapornis parrots.  páxs. 455–464. 
  3. «▷ Agapornis: Tipos y Cuidados de los "Inseparables"» (castellanu). Aves Exóticas. Consultáu'l 2021-03-03.
  4. Sistema Integráu d'Información Taxonómica. «Agapornis (TSN 177619)» (inglés).
  5. Eberhard, Jessica R. (1998): Evolution of nest-building behavior in Agapornis parrots. The Auk 115(2):455-464.
  6. Evolution of nest-building behavior in Agapornis parrots. 
  7. (1978) Roberts Birds of South Africa, illustrated by Lighton, N. C. K.; Newman, K.; Adams, J.; Gronvöld, H., 4th, The Trustees of the John Voelcker Bird Book Fund.

Enllaces esternos editar