Agora País Llionés
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Agora País Llionés ye una organización política qu'aboga pol socialismu y l'autodeterminación del llamáu País Llionés. Foi fundada a finales de 2007 (magar la so presentación pública foi'l 1 de mayu de 2008) por mozos d'izquierdes procedentes de círculos antifascistes y de coleutivos culturales y xuveniles llionesistes. La so meta más cercana ye la creación d'un ente alministrativu propiu pa les provincies de Salamanca, Llión y Zamora, dixebrada de l'actual de Castiella y Llión, que tomaría parte de lo que se llama País Llionés.
| Agora País Llionés | |
|---|---|
| Fundación | 2007 |
| Sede | Lleón |
| Ideoloxía política | lleonesismu |
| Páxina web | nodo50.org… |
 | |
.svg)
L'organización editar
Ye una organización llionesa autónoma, con calter de conceyu participativu, compuesta sobre un abanicu de sensibilidaes d'izquierda que tienen como base planteamientos comunes, como la creencia na democracia participativa, el llaicismu, l'ecoloxismu, el feminismu, el socialismu, l'anticapitalismu, el llionesismu, l'internacionalismu y el derechu d'autodeterminación. Tien como fin últimu la busca y construcción d'un País Llionés llibre y socialista.
Funcionamientu editar
El funcionamientu de la organización ye asambleariu, ensin qu'esistan cargos nin xuntes directives. Nun ta amestada a nengún partíu políticu y entámase por asamblees territoriales, arrexuntaes nel Alcuentru Nacional.
El so funcionamientu sufrágase gracies a les aportaciones de los sos militantes y simpatizantes y per aciu la venta de material, como la publicación periódica "El Pegollu", chapes, pegatines, camisetes, etc. Siguen principios d'autoxestión y total independencia al respective de les instituciones.
Rellaciones con otros coleutivos editar
Esta organización caltién rellaciones con otros coleutivos independentistes d'España como los Fai!, n'Asturies; Regüelta, en Cantabria; o Maulets en Cataluña, Baleares y la Comunidá Valenciana.
Referencies editar
Enllaces esternos editar
Datos: Q8191634
