António Agostinho Neto

António Agostinho Neto Kilamba (17 de setiembre de 1922, Ícolo e Bengo – 10 de setiembre de 1979, Moscú) foi un poeta y políticu angolanu. Foi secretariu xeneral del Movimientu Popular de Lliberación d'Angola (MPLA) y convirtióse nel primer presidente del país tres la independencia.

António Agostinho Neto
1. Presidente d'Angola 11 payares 1975 - 10 setiembre 1979 ← ensin valor - Lúcio Lara →
Vida
Nacimientu	Ícolo e Bengo, 17 de setiembre de 1922
Nacionalidá	República Popular d'Angola
Llingua materna	portugués
Muerte	Moscú, 10 de setiembre de 1979 (56 años)
Sepultura	Luanda
Causa de la muerte	cáncer de páncrees
Estudios
Estudios	Universidá de Coimbra Universidá de Lisboa
Llingües falaes	portugués
Oficiu	políticu, poeta, médicu-escritor, Presu políticu
Llugares de trabayu	Casa dos Estudantes do Império (en)
Premios	ver Premio Lenin de la Paz Gran Cruz de la Orde del Méritu de la República de Polonia Orden de la Antiquísima Welwitschia Mirabilis Orde de Georgi Dimitrov Medaya Amílcar Cabral Orden de Amilcar Cabral - Cabo Verde Orde de la Estrella Yugoslava Order of Amilcar Cabral 1st Class Orde de Lenin National Order of Merit Orde Sablera Girón Orde del Méritu de la República de Polonia Orde de los Compañeros d'O. R. Tambo  (27 abril 2014)
Xéneru artísticu	poesía
Serviciu militar
Lluchó en	Guerra civil angoleña Guerra de la Independencia d'Angola
Creencies
Relixón	metodismu catolicismu
Partíu políticu	Movimientu Popular de Lliberación d'Angola

Elementos biográficos

António Agostinho Neto, fíu d'un pastor metodista y d'una profesora, nació'l 17 de setiembre de 1922 en Kaxicane (Bengo).

Estudió medicina en Coimbra y más tarde en Lisboa, onde, con otros compatriotes, formó parte de diversos movimientos nacionalistes y culturales angolanos. Foi nesta época cuando empezó a escribir poemes, de marcáu carácter social, nos que se describíen les dures condiciones de vida del pueblu angolanu.

N'acabando la carrera de medicina, volvió a Angola. Pola mor de la so oposición al colonialismu portugués metiéronlu presu en 1960. Pasó dos años na cárcel, primero en Cabu Verde y depués en Portugal, hasta que pudo escapar y exiliase en Marruecos. Dende esti país dirixó'l MPLA, movimientu anticolonialista y marxista angolanu.

En 1961 espublizó'l segundu llibru de poemes y en 1970 la conferencia d'escritores Afro-asiáticos dio-y el premiu Lotus.

Tres la Revolución de los claveles de 1974, el nuevu réxime portugués concedió la independencia a la mayoría de les sos colonies. Esti mesmu añu Agostinho Neto espublizó otru llibru de poemes, tituláu Sagrada Sperança.

Neto representó al MPLA nes negociaciones colos otros movimientos militares angolanos FNLA (sofitáu por Estaos Xuníos y Francia) y UNITA (respaldáu pola República Surafricana). Estes conversaciones dieron llugar a un gobiernu de transición en xineru de 1975.

Sicasí, l'alcuerdu ente les tres organizaciones duró poco tiempu y ocho meses más tarde entamaba una guerra civil nel país, controlando cada movimientu una parte del país. La capital, Luanda, queda en manes del MPLA y el 10 de payares de 1975 Agostinho Neto proclámase presidente d'Angola, col apoyu de la XRSS y de Cuba, qu'unvió un fuerte continxente de tropes al país.

Gravemente enfermu, tresladáronlu pa curalu a Moscú, onde morrió'l 10 de setiembre de 1979.

Obra

• Quatro poemas de Agostinho Neto (Cuatro poemes d'Agostinho Neto) (1957)
• Poemas (Poemes) (1961)
• Sagrada Esperança (Sagrada esperanza) (1974)
• A Renúncia Impossível (La renuncia imposible) (1982)

Enllaces esternos

Predecesor: Primeru nel cargu

Presidente d'Angola 11 d'avientu de 1975 - 10 de setiembre de 1979

Socesor: José Eduardo dos Santos

• Datos: Q181665
• Multimedia: Agostinho Neto