Ahmose-Inhapi

05-11-2019 19:58


Ahmose-Inhapi yera una princesa y reina de finales de la decimoséptima dinastía del Antiguu Exiptu. Yera fía de Senajtenra Ahmose y la so esposa Tetisheri, hermana del faraón Seqenenra Taa y de les reines Ahhotep y Satdyehuty. Casóse col so hermanu, col que tuvo una fía, Ahmose-Hentimehu. Portaba los títulos de Fía del Rei (sȝt-niswt) y Esposa del Rei (hmt-niswt).[1][2]

Ahmose-InhapiPicto infobox character.png
Inhapi whole body.JPG
Vida
Nacimientu sieglu  XVIedC
Muerte Tebas (es) Traducirsieglu  XVIedC
Sepultura DB320 (es) Traducir
Familia
Padre Senajtenra Ahmose
Casada con Seqenenra Taa (es) Traducir
Fíos/es
Hermanos/es
Oficiu
Cambiar los datos en Wikidata
Ahmose-Inhapi
en xeroglíficu
iaH
ms
iniHa
p Z4
N36

ỉˁḥ-ms ỉnḥˁpỉ
{{{3}}}

Testimonios de la so dóminaEditar

Ye mentada nun exemplar del Llibru de los Muertos, propiedá de la so fía, y na tumba d'Amenemhat, alministrador del templu d'Amón (TT53). Carl Nicholas Reeves cree que foi soterrada en Tebas, na tumba WN-A (que los habitantes de la zona llamen Bab el-Mallaq, tumba colgada por cuenta de qu'atópase nun cantil) escavada parcialmente por Claude Robichon en 1931 y 32.[3]

La so momia, xunto a les d'otros miembros de la familia real ahmósida, foi treslladada a la tumba DB320 onde foi afayada en 1881 por Emil Brugsch, y anguaño caltiense nel Muséu Exipciu d'El Cairu. Ahmose-Inhapi atopábase nun sarcófagu propiedá de Rai, la neñera de la so sobrina nieta Ahmose-Nefertari. En xunu de 1886 Gaston Maspero retiró vender de la momia, que foi esaminada darréu por Grafton Elliot Smith; ésti describió a Ahmose-Inhapi como una muyer de constitución fuerte y gran asemeyáu físicu col so hermanu, la piel de la momia apaecía "escura, nidia, húmeda y dura como'l cueru engrasao". Tenía una guirlanda de flores al pescuezu y el pelo trenzáu, y taba espolvoriscada con polvu de madera arumoso.[4]

ReferenciesEditar

CitesEditar

  1. Dodson y Hilton: op. cit., pp. 124 y 129.
  2. Grajetzki: op. cit., páx. 50.
  3. Miller: The k3y of Inhapi.
  4. Miller: Ahmose-Inhapi.

FuentesEditar

  • Dodson, Aidan y Hilton, Dyan (2004). The Complete Royal Families of Ancient Egypt. ISBN 0-500-05128-3.
  • Grajetzki, Wolfram (2005). «New Kingdom», Ancient Egyptian Queens: A Hieroglyphic Dictionary. Golden House Publications. ISBN 13: 978-0-9547218-9-3.
  • Miller, William Max. «The k3y of Inhapi» (inglés). Theban Mapping Project. Consultáu'l 22 de xunu de 2009.
  • Miller, William Max. «XVII'th Dynasty Gallery I (Ahmose-Inhapi)» (inglés). Theban Mapping Project. Consultáu'l 21 de xunu de 2009.

Enllaces esternosEditar